முஸ்லிம்கள் இல்லாத இந்தியாவை உருவாக்குவோம்: மீண்டும் சர்ச்சையில் சாத்வி பிராச்சி

டெல்லி: முஸ்லிம்கள் இல்லாத இந்தியாவை உருவாக்குவோம் என்று பாஜகவின் பெண் துறவி சாத்வி பிராச்சி பேசியிருக்கும் சர்ச்சைக்குரிய வீடியோ சமூக வலைதளங்களில் வைரலாக பரவி வருகிறது.

மத்தியில் பாஜக ஆட்சி அமைந்தது முதலே தொடர்ச்சியாக சர்ச்சைக்குரிய கருத்துகளைத் தெரிவித்து வருபவர் சாத்வி பிராச்சி. அயோத்தியில் ராமர் கோவிலை கட்டுவோம்; ஷாருக்கானை பாகிஸ்தானுக்கு அனுப்ப வேண்டும் என கூறி சர்ச்சைகளில் சிக்கியவர் சாத்வி பிராச்சி.

தற்போது சாத்வி பிராச்சியின் வீடியோ ஒன்று சமூக வலைதளங்களில் வைரலாக பகிரப்பட்டு வருகிறது. அதில் முஸ்லிம்கள் இல்லாத இந்தியாவை உருவாக்கும் தருணம் இது; ஆமிர்கானின் டங்கல் திரைப்படத்தை இந்துஸ்தானியர்கள் தோல்வி அடையச் செய்ய வேண்டும் என்றும் கேட்டுக் கொண்டிருக்கிறார்.

மேலும் நடிகர்கள் ஷாருக்கான், ஆமிர்கான் ஆகியோர் பாகிஸ்தான் ஆதரவாளர்களாக செயல்படுவதாகவும் அந்த வீடியோவில் சாத்வி பிராச்சி குற்றம்சாட்டியுள்ளார்.

English summary

In a controversial video, Sadhvi Prachi has vowed for Muslim-free India saying it's the need of the hour.