For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஆக்ரா பல்கலைக்கழகத்தில் பிஏ தேர்ச்சி பெற்ற "சல்மான் கான்"... அதுவும் ஜஸ்ட் பாஸ்

டெல்லியில் உள்ள ஆக்ரா பல்கலைக்கழகத்தில் பிஏ மாணவனின் சான்றிதழில் அவரது படத்துக்கு பதிலாக நடிகர் சல்மான் கானின் படம் இடம்பெற்றிருந்தது.

By Lakshmi Priya
Google Oneindia Tamil News

ஆக்ரா: டெல்லியில் உள்ள ஆக்ரா பல்கலைக்கழகத்தில் பிஏ பட்டம் பெற்ற மாணவனின் சான்றிதழில் அவரது புகைப்படத்துக்கு பதிலாக நடிகர் சல்மான் கானின் படம் இடம்பெற்றுள்ளது பரபரப்பை ஏற்படுத்தியுள்ளது.

அலிகாரில் உள்ள அம்ரதா சிங் நினைவு கல்லூரி ஆக்ரா பல்கலைக்கழகத்துடன் இணைக்கப்பட்டுள்ளது. இந்த பல்கலைக்கழகத்துடன் தொடர்புடைய கல்லூரிகளை சேர்ந்த 7.2 லட்சம் மாணவர்கள் கடந்த கல்வியாண்டில் தேர்ச்சி பெற்றனர்.

 Salman Khan's photo in a BA marksheet from Agra university with just 35% marks

கல்லூரியில் படித்த மாணவர்களின் மதிப்பெண் சான்றிதழ்களை பல்கலைக்கழக ஊழியர்கள் சரிபார்த்துக் கொண்டிருந்தனர். அப்போது அந்த கல்லூரியில் பிஏ படித்த மாணவன் ஒருவனுக்கு வழங்கப்பட்ட சான்றிதழில் அவரது புகைப்படத்துக்கு பதிலாக நடிகர் சல்மான் கானின் புகைப்படம் இடம்பெற்றிருந்ததை கண்டித்து அதிர்ச்சி அடைந்தனர்.

இதுகுறித்து தகவலறிந்த வட்டாரங்கள் கூறுகையில் மதிப்பெண் சான்றுகளை தனியார் நிறுவனம் அச்சடிக்கும் ஒப்பந்தத்தை பெற்றுள்ளது. எனவே இது அந்த நிறுவனம் செய்த தவறு என்று கூறப்படுகிறது. இது ஒன்றும் புதிதல்ல என்றும் ஏற்கெனவே ஒரு மாணவருக்கு பதிலாக காங்கிரஸ் துணை தலைவர் ராகுல்காந்தியின் புகைப்படம் இடம்பெற்றிருந்தது.

மேலும் ஒரு மாணவரின் பெயர் பீம்ராவ் அம்பேத்கர் என்றும் அச்சடிக்கப்பட்டிருந்ததாகவும் என்று கூறுகின்றனர். இதுகுறித்து பல்கலைக்கழகத்தின் மக்கள் தொடர்பு அதிகாரி ஜி.எஸ்.ஷர்மா கூறுகையில், மாணவனின் புகைப்படத்துக்கு பதிலாக சல்மான் கான் புகைப்படம் இடம்பெற்றது தவறானது. இதுவரை எங்களுக்கு எந்த ஒரு புகாரும் வரவில்லை என்று தெரிவித்தார்.

மாணவர்களுக்கு விநியோகம் செய்வதற்கு முன்பே அதிகாரிகள் கண்டுபிடித்துவிட்டனர். இதேபோல் கடந்த ஆண்டு தேர்வுக்கான அனுமதிச்சீட்டில் கிரிக்கெட் வீரர் சச்சின் டெண்டுல்கரின் மகன் அர்ஜூனின் புகைப்படம் ஒட்டப்பட்டிருந்தது குறிப்பிடத்தக்கது.

English summary
A marksheet issued by the Agra university for a first-year BA student had the photo of Bollywood star Salman Khan on it.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X