• search
For Quick Alerts
ALLOW NOTIFICATIONS  
For Daily Alerts

காதலில் வீழ்ந்த சானியாவின் தங்கை.. ஹைதராபாத் தொழிலதிபரை மணக்கிறார்

Google Oneindia Tamil News

ஹைதராபாத்: சானியா மிர்ஸாவின் தங்கை அனம் மிர்ஸா காதல் திருமணம் செய்யவுள்ளார். இது இரு வீட்டார் சம்மதத்துடன், அவர்களே நடத்தி வைக்கப் போகும் திருமணமாகும். இந்தத் திருமணத்தால் சானியா குடும்பத்தினர் விழாக்கோலம் பூண்டுள்ளனர்.

அடுத்தடுத்து இரண்டு கிராண்ட்ஸ்லாம் பட்டங்களை வென்று வெற்றிப் பெருமிதத்துடன் தாயகம் திரும்பியுள்ளார் சானியா. அடுத்த சில நாட்கள் தனது தங்கையின் திருமண ஏற்பாடுகளில் உற்சாகமாக பங்கேற்கவுள்ளாராம்.

நாளை அனம் மிர்ஸாவின் திருமண நிச்சயதார்த்தம் நடைபெறவுள்ளது. இதற்கான ஏற்பாடுகள் களை கட்டியுள்ளதாம்.

காதல் திருமணம்

காதல் திருமணம்

அனம் மிர்ஸாவை மணக்கப் போவது ஹைதராபாத்தைச் சேர்ந்த அக்பர் ரஷீத் என்பவர் ஆவார். இவர் விளம்பர நிறுவனத் தொழிலில் ஈடுபட்டுள்ளார். ஒரு வருடமாக இருவரும் காதலித்து வருகின்றனராம்.

நாளை நிச்சயதார்த்தம்

நாளை நிச்சயதார்த்தம்

நாளை அனம் மிர்ஸா - அக்பர் ரஷீத் திருமண நிச்சயதார்த்தம் ஹைதராபாத்தில் உள்ள ஹோட்டலில் நடைபெறவுள்ளது. குடும்பத்தினர், இரு தரப்புக்கும் நெருங்கிய உறவினர்கள், நண்பர்கள் மட்டும் இதில் கலந்து கொள்கின்றனர்.

வைர உடையுடன் வரப் போகும் சானியா

வைர உடையுடன் வரப் போகும் சானியா

இந்த நிகழ்ச்சியில் வைரம் பதித்த கவுன் அணிந்து கலந்து கொள்ளவுள்ளாராம் சானியா. காக்ரோ சோளியில் வரப் போகிறார் அனம் மிர்ஸா. அவருக்கான உடை விசேஷமாக உருவாக்கப்பட்டுள்ளதாம்.

கஸல் கச்சேரி

கஸல் கச்சேரி

நிச்சயதார்த்தம் முடிந்ததும் கஸல் நிகழ்ச்சி நடைபெறவுள்ளது. இதில் மும்பையைச் சேர்ந்த பூஜா கய்தோன்டே கலந்து கொண்டு பாடவுள்ளார்.

மாஸ் கம்யூனிகேஷன்

மாஸ் கம்யூனிகேஷன்

அனம் தற்போது மாஸ் கம்யூனிகேஷன் மற்றும் பிலிம் மேக்கிங் படிப்பைப் படித்து வருகிறார். அதை முடித்த பின்னர் பத்திரிகையாளராக வேண்டும் என்பது அவரது திட்டமாம்.

English summary
Sania Mirza's younger sister Anam Mirza is getting into the wedlock as her engagement ceremony is planned tomorrow in Hyderabad.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X