சினிமாவாகும் மன்மோகன்சிங் வாழ்க்கை வரலாறு- பிரதமர் வேடத்தில் நடிகர் அனுபம் கெர்!

முன்னாள் பிரதமர் மன்மோகன் சிங்கின் வாழ்க்கை வரலாறு படமாக எடுக்கப்படுகிறது. இதில் பிரதமர் வேடத்தில் நடிப்பவர் அனுபம் கெர்.

மும்பை: முன்னாள் பிரதமர் மன்மோகன் சிங்கின் வாழ்க்கை வரலாறு படமாக தயாரிக்கப்படுகிறது. இதில் பிரதமர் கதாபாத்திரத்தில் அனுபம் கெர் நடிக்கிறார்.

கடந்த 2004-ஆம் ஆண்டு காங்கிரஸ் கட்சியின் சார்பில் பிரதமராக தேர்ந்தெடுக்கப்பட்டவர் மன்மோகன் சிங். இவர் 10 ஆண்டுகளாக அப்பதவியில் நீடித்தார்.

ரப்பர் ஸ்டாம்ப் பிரதமர்

இலங்கை தமிழர்கள் பிரச்சினை, பெட்ரோல் டீசல் விலையேற்றம், விலைவாசி உயர்வு உள்ளிட்ட பிரச்சினைகளில் ரப்பர் ஸ்டாம்ப் என்ற கடுமையாக விமர்சிக்கப்பட்டவர் மன்மோகன் சிங். பிரபலங்கள் மற்றும் சாதனையாளர்கள் வாழ்க்கையை சினிமா படமாக்கும் நிலை திரையுலகில் அதிகரித்து வருகிறது. அதுபோன்ற படங்கள் நன்றாக ஓடி வசூலையும் குவிக்கின்றன.

பிரபலங்கள்

டாக்டர் அம்பேத்கர், கிரிக்கெட் வீரர்கள் அசாருதீன், டோனி, சச்சின் டெண்டுல்கர், குத்துச்சண்டை வீராங்கனை மேரி கோம், சந்தன கடத்தல் வீரப்பன், நடிகை சில்க் சுமிதா ஆகியோர் வாழ்க்கை வரலாறு சினிமா படங்களாக வந்துள்ளது. தற்போது முன்னாள் பிரதமர் மன்மோகன் சிங் வாழ்க்கையும் சினிமா படமாக தயாராகிறது. இவர் இந்தியாவின் 14-ஆவது பிரதமராக இருந்தார். 1991 முதல் 1996 வரை நரசிம்மராவ் ஆட்சியில் நிதி அமைச்சராக இருந்தார். சிறந்த பொருளாதார வல்லுநராகவும் திகழ்ந்தார். மத்திய ரிசர்வ் வங்கியின் தலைவராகவும் செயல்பட்டார்.

Thank you all for your love, warmth & support for the #FirstLook of #TheAccidentalPrimeMinister. Your response has been overwhelming.🙏🙏🙏 pic.twitter.com/iD0J2Idyn1

— Anupam Kher (@AnupamPkher) June 7, 2017

அனைத்துமே...

மன்மோகன் சிங் வாழ்க்கையை மையமாக வைத்து அவரிடம் ஆலோசகராக பணியாற்றிய சஞ்சய்பாரு ‘த ஆக்சிடன்சியல் பிரைம் மினிஸ்டர்' என்ற புத்தகத்தை எழுதி வெளியிட்டார். அந்த புத்தகத்தில் இடம்பெற்ற சம்பவங்கள் அடிப்படையில் மன்மோகன் சிங் வாழ்க்கை சினிமா படமாகிறது. இதில் மன்மோகன் சிங்கின் சிறுவயது வாழ்க்கை முதல் அரசியல் பிரவேசம், பிரதமராக தேர்ந்தெடுக்கப்பட்டது வரை அனைத்தும் இடம்பெறுகிறது.

Thank you Rajat Ji.🙏 https://t.co/urPjIZeOzu

— Anupam Kher (@AnupamPkher) June 7, 2017

அனுபம் கேர்

இந்த படத்தில் மன்மோகன் சிங் கதாபாத்திரத்தில் 62 வயது அனுபம்கேர் நடிக்கிறார். படத்தை விஜய் ரத்னாகர் டைரக்ட் செய்கிறார். ஹன்சல் மேத்தா திரைக்கதை எழுதுகிறார். இந்த படத்தில் சோனியா காந்தி, ராகுல் காந்தி கதாபாத்திரங்களில் நடிப்பதற்காக நடிகர்-நடிகை தேர்வு நடக்கிறது.

English summary

Veteran actor Anupam Kher will be seen portraying the role of former Prime Minister Dr Manmohan Singh in the upcoming film, titled The Accidental Prime Minister.