For Daily Alerts
Just In
பிரசார் பாரதி சி.இ.ஓவாக இன்போசிஸ் முன்னாள் ஊழியர் சசிசேகர் வேம்பதி நியமனம்!
பிரசார் பாரதியின் சிஇஓவாக இருந்து ராஜினாமா செய்த ஜவகர் சிர்காரின் பதவியிடம் 7 மாதங்கள் கழித்து சசிசேகர் வேம்பதி மூலம் நிரப்பப்பட்டுள்ளது.
டெல்லி: பிரசார் பாரதி நிறுவன தலைமை செயல் அதிகாரியாக இன்போசிஸ் நிறுவன முன்னாள் ஊழியரான சசி சேகர் வேம்பதி நியமிக்கப்பட்டுள்ளார். இவரது பதவிக்காலம் ஐந்தாண்டுகளாகும்.
ஏற்கனவே இவர் பிரசார் பாரதியின் போர்டில் பகுதிநேர உறுப்பினராக செயல்பட்டவர். துணை குடியரசு தலைவர் ஹமித் அன்சாரி தலைமையிலான, பிரசார் பாரதியின் மூன்று உறுப்பினர்களை கொண்ட குழு, சசி சேகர் வேம்பதியை பிரசார் பாரதியின் தலைமை செயல் அதிகாரியாக நியமித்துள்லது.
பிரசார் பாரதியின் சிஇஓவாக இருந்து ராஜினாமா செய்த ஜவகர் சிர்காரின் பதவியிடம் 7 மாதங்கள் கழித்து இதன் மூலம் நிரப்பப்பட்டுள்ளது. பிரசார் பாரதி என்பது மத்திய தகவல் தொடர்புத்துறையின் கீழ் இயங்கும் தன்னாட்சி பெற்ற அமைப்பாகும்.
பிரசார்பாரதியின்கீழ், ஆல் இந்தியா ரேடியோ மற்றும் தூர்தர்ஷன் ஆகியவை இயங்குகின்றன என்பது குறிப்பிடத்தக்கது.
Comments
English summary
Former Infosys employee Shashi Shekar Vempati has been appointed as the new Chief Executive Officer (CEO) of public broadcaster Prasar Bharati.
Story first published: Saturday, June 3, 2017, 13:00 [IST]