டெல்லியில் தேமுதிக போட்டியிடுவதாக அறிவித்த தொகுதியில் காங். வேட்பாளர் ஷீலா தீட்சித்!

டெல்லி: தேமுதிக போட்டியிடுவதாக அறிவித்த புதுடெல்லி தொகுதியில் மாநில முதல்வர் ஷீலா தீட்சித் காங்கிரஸ் கட்சியின் வேட்பாளராக அறிவிக்கப்பட்டுள்ளார்.

டெல்லி மாநில சட்டசபை தேர்தல் டிசம்பர் 4-ந் தேதி நடைபெறுகிறது. இத் தேர்தலில் போட்டியிடும் 56 காங்கிரஸ் வேட்பாளர்கள் அடங்கிய முதலாவது பட்டியலை கட்சி நேற்று இரவு வெளியிட்டது.

முதல்வர் ஷீலா தீட்சித் புதுடெல்லி தொகுதியில் போட்டியிடுவதாக அதில் தெரிவிக்கப்பட்டுள்ளது. இத்தொகுதியில் தேமுதிக சார்பில் ஜி.எஸ். மணி போட்டியிடுகிறார்.

இத்தொகுதியில், பாஜக வேட்பாளராக விஜேந்தர் குப்தாவும், ஆம் ஆத்மி கட்சியின் அமைப்பாளர் அரவிந்த் கேஜரிவாலும் போட்டியிடுகின்றனர்.

ஏற்கெனவே லோக்சபா தேர்தலில் காங்கிரஸ் அல்லது பாஜக அணியில் தேமுதிக இடம் பெறும் என்று கூறப்படுகிறது. இந்நிலையில் தேமுதிக இத்தொகுதியில் போட்டியிடுமா? அல்லது வேட்பாளரை வாபஸ் பெறுமா? என்ற கேள்வி எழுந்துள்ளது.

English summary

The Congress Monday declared the names of candidates for 56 constituencies, retaining all its sitting legislators for the December 4 Delhi Assembly polls, the party said in a statement.