ராதே மாவை விட காளி மா குறைவாக ஆடை அணிந்துள்ளாரே: பாடகர் சோனு நிகம்
மும்பை: பெண் சாமியார் ராதே மாவை விட கடவுளான காளி மா குறைவாக ஆடை அணிந்திருப்பதாக பாலிவுட் பாடகர் சோனு நிகம் தெரிவித்துள்ளார்.
பெண் சாமியார் ராதே மா மினிஸ்கர்ட்டில் இருக்கும் புகைப்படங்கள் வெளியாகி பெரும் சர்ச்சையை ஏற்படுத்தியது. இந்நிலையில் பாலிவுட் பாடகர் சோனு நிகம் ராதே மாவுக்கு ஆதரவாக ட்விட்டரில் பேசியுள்ளார்.
இது குறித்து அவர் ட்விட்டரில் கூறியிருப்பதாவது,
|
காளி மா
ராதே மாவை விட காளி மா குறைவான ஆடைகளுடன் காட்சியளிக்கிறார். ஆடைக்காக ஒரு பெண் மீது வழக்க தொடர இந்த நாடு நினைக்கிறது.
|
சாமியார்கள்
ஆண் சாதுக்கள் நிர்வாணமாக நடக்கலாம். மோசமாக நடனம் ஆடலாம். ஆனால் பலாத்கார குற்றச்சாட்டால் மட்டுமே அவர்களை சிறையில் அடைக்க முடிகிறது. இது தான் ஆண், பெண் சமத்துவமா?
|
வழக்கு
வழக்கு தொடர வேண்டுமா, ஃபாலோயர்கள் மீது வழக்கு தொடரவும், உங்கள் மீது வழக்கு தொடரவும் அவர்களை சாமியார் ஆக்கியதற்கு. ஆண்களுக்கும், பெண்களுக்கும் வெவ்வேறு விதிமுறை என்பது நியாயம் அல்ல என்று தெரிவித்துள்ளார் சோனு.
திட்டு
சர்ச்சை சாமியாரான ராதே மாவை கடவுள் காளி மாவுடன் எப்படி ஒப்பிடலாம் என்று பலரும் சோனு நிகமை திட்டி வருகிறார்கள். இது குறித்து அறிந்த அவர் ராதே மாவை தனக்கு யார் என்றே தெரியாது என தெரிவித்துள்ளார்.