12 ரூபாயில் விமானப் பயணம்.. ஸ்பைஸ்ஜெட் நிறுவனத்தின் அதிரடி ஆஃபர் !
ஸ்பைஸ்ஜெட் விமான நிறுவனம் 12 ரூபாயில் பயணம் செய்ய கட்டண சலுகை அறிவித்துள்ளது.
டெல்லி: ஸ்பைஸ்ஜெட் நிறுவனத்தின் 12-வது ஆண்டு தினத்தை முன்னிட்டு 12 ரூபாயில் பயணம் செய்ய டிக்கெட்களை அந்நிறுவனம் அறிவித்துள்ளது.
டெல்லி: நாட்டின் முன்னணி மலிவு விலை விமானப் போக்குவரத்து நிறுவனமான ஸ்பைஸ்ஜெட், நிறுவனத்தின் 12-வது ஆண்டு தினத்தை முன்னிட்டு 12 ரூபாயில் பயணம் செய்ய டிக்கெட்களை அந்நிறுவனம் அறிவித்துள்ளது.
இந்திய விமான சேவைகளில் தற்போது கட்டணச் சலுகை போட்டி நடந்து வருகிறது. இந்நிலையில் ஸ்பைஸ் ஜெட் நிறுவனம் 12ம் ஆண்டு விழாவை நேற்று கொண்டாடியது. இதை முன்னிட்டு விமான பயணிகளுக்கு அதிரடி கட்டண சலுகையை அறிவித்துள்ளது.
ஸ்பைப்ஸ்ஜெட் நிறுவனம் அறிவித்துள்ள இப்புதிய சலுகை திட்டத்தின் கீழ் 12 ரூபாய் என்ற அடிப்படை கட்டணத்தில் வாடிக்கையாளர்களுக்கு விமானச் சேவையை வழங்குகிறது.
இந்த 12 ரூபாய் என்பது அடிப்படை கட்டணம் மட்டும்தான். வரிகள் மற்றும் கூடுதல் வரிகள் தனியாக செலுத்த வேண்டும். இந்த சலுகையானது உள்நாட்டு மற்றும் வெளிநாட்டு விமான சேவை இரண்டுக்கும் பொருந்தும். மே 23 முதல் மே 28 வரை இதற்கான முன்பதிவு தொடங்குகிறது.
கடந்த மாதம் ஸ்பைஸ்ஜெட் நிறுவனத்தின் 11ஆம் ஆண்டு நிறைவு நாளை கொண்டாடும் வகையில், ஸ்பைஸ்ஜெட் 511 ரூபாய் என்ற சலுகை திட்டத்தை அறிமுகம் செய்தது குறிப்பிடத்தக்கது.