அதிமுக எம்பிக்களை ராஜினாமா செய்ய சொல்ல ஸ்டாலின் ஒன்றும் எங்கள் தலைவர் இல்லை.. தம்பிதுரை தடாலடி
அதிமுக எம்பிக்களை ராஜினாமா செய்ய சொல்ல ஸ்டாலின் ஒன்றும் எங்கள் தலைவர் இல்லை என தம்பிதுரை தெரிவித்துள்ளார்.
டெல்லி: அதிமுக எம்பிக்களை ராஜினாமா செய்ய சொல்ல ஸ்டாலின் ஒன்றும் எங்கள் தலைவர் இல்லை என தம்பிதுரை தெரிவித்துள்ளார்.
லோக்சபா துணை சபாநாயகரும் அதிமுக எம்பியுமான தம்பிதுரை 3 மாநில சட்டசபை தேர்தலில் பாஜக வெற்றி பெற்றதற்கு நேரில் சந்தித்து வாழ்த்து தெரிவித்தார்.
இதைத்தொடர்ந்து செய்தியாளர்களிடம் பேசிய அவர் காவிரி மேலாண்மை வாரியம் அமைக்க கோரி நாடாளுமன்றத்தில் அதிமுக எம்பிக்கள் வலுயுறுத்தியுள்ளதாக கூறினார்.
தமிழக அரசின் கோரிக்கைகள் குறித்து பிரதமரிடம் நேரில் வலியுறுத்தியிருப்பதாகவும் தம்பிதுரை தெரிவித்தார். இதைத்தொடர்ந்து காவிரி விவகாரத்தில் தமிழக எம்பிக்கள் ராஜினாமா செய்ய வேண்டும் என ஸ்டாலின் கூறியது குறித்து அவரிடம் கேள்வி எழுப்பப்பட்டது.
அதற்கு பதிலளித்த தம்பிதுரை அதிமுக எம்பிக்களை ராஜினாமா செய்யச்சொல்ல ஸ்டாலின் ஒன்றும் எங்கள் தலைவர் இல்லை என்றார். எங்கள் தலைமை என்ன சொல்கிறதோ அதன்படிதான் செயல்படுவோம் என்றும் தம்பிதுரை திட்டவட்டமாக தெரிவித்தார்.
முதலில் திமுக எம்பிக்கள் நாடாளுமன்றத்துக்கு வந்து தங்களின் ஜனநாயக கடமையை ஆற்றட்டும் என்றும் தம்பிதுரை கூறினார்.