காங்கிரஸூக்காக சச்சின் பிரசாரம்... ஆதாரமற்ற தகவல்: ராஜீவ் சுக்லா திட்டவட்டம்

மும்பை: சச்சின் டெண்டுல்கர் காங்கிரஸுக்கு ஆதரவாக மத்தியப் பிரதேசத் தேர்தலில் பிரச்சாரம் செய்ய இருப்பதாக பரவி வரும் தகவல்கள் ஆதாரமற்றவை என மறுத்துள்ளார் ராஜீவ் சுக்லா.

நட்சத்திர கிரிக்கெட் வீரரான சச்சின் டெண்டுல்கர் வரும் மத்தியப் பிரதேச சட்டப்பேரவைத் தேர்தலில் காங்கிரஸ் சார்பாக பிரசாரத்தில் ஈடுபட இருப்பதாக சமீபத்தில் பரபரப்புத் தகவல்கள் வெளியாகின.

ஆனால், அவை அனைத்தும் ஆதாரமற்றவை என மறுத்துள்ளார் பி.சி.சி.ஐ துணைத் தலைவரும், காங்கிரஸ் மத்திய அமைச்சருமான ராஜீவ் சுக்லா. இது குறித்து நேற்று அவர் தெரிவித்ததாவது, ‘சச்சின் பரபரப்பாக கிரிக்கெட் ஆடி வருகிறார். தற்போது ரஞ்சி டிராபி ஆடி வரும் சச்சின் பின்னர் மேற்கிந்தியத் தீவுகளுக்கு எதிரான ஆட்டத்தில் இந்திய அணிக்காக விளையாட உள்ளார். அதனால் அவர் பிரசாரம் செய்வது குறித்த தகவல்கள் அனைத்தும் ஆதாரமற்றவை' என்றார்.

English summary

BCCI vice-president and Congress MP Rajiv Shukla on Sunday rejected speculation of star cricketer Sachin Tendulkar campaigning for his party in the upcoming assembly elections and termed such reports as "baseless".