• search
For Quick Alerts
ALLOW NOTIFICATIONS  
For Daily Alerts

மே.வ.அமைச்சர்கள் கைது:திரிணாமுல் போராட்டம்- கல்வீச்சு- சிபிஐ அதிகாரிகளை கைது செய்ய வலியுறுத்தல்

Google Oneindia Tamil News

கொல்கத்தா: நாரதா லஞ்ச வழக்கில் மேற்கு வங்க அமைச்சர்கள், எம்.எல்.ஏ. உள்ளிட்ட 4 பேர் கைது செய்யப்பட்டதற்கு எதிராக சி.பி.ஐ அலுவலகம் மீது திரிணாமுல் காங்கிரஸ் கட்சியினர் கல்வீசிப் போராட்டம் நடத்தினர். அத்துடன் மாநில அரசின் அனுமதி பெறாமல் அமைச்சர்களை கைது செய்த சி.பி.ஐ. அதிகாரிகளை கைது செய்ய வேண்டும் என்றும் திரிணாமுல் காங்கிரஸ் கட்சியினர் வலியுறுத்தி உள்ளனர்.

    அமைச்சர்களுடன் சேர்த்து என்னையும் கைது செய்யுங்கள்.. CBI அதிகாரிகளுடன் Mamata Banarjee மோதல்!

    பதைபதைப்பான இரண்டரை மணிநேரம்.. மதுரைக்கு நள்ளிரவில் ஆக்சிஜன் வந்தது எப்படி?.. சு.வெங்கடேசன் டிவிட்! பதைபதைப்பான இரண்டரை மணிநேரம்.. மதுரைக்கு நள்ளிரவில் ஆக்சிஜன் வந்தது எப்படி?.. சு.வெங்கடேசன் டிவிட்!

    போலி நிறுவனங்களுக்கு சாதகமாக செயல்பட ஃபிா்ஹாத் ஹகீம், சுப்ரதா முகர்ஜி உள்ளிட்டோர் லஞ்சம் பெற்றதாக நாரதா செய்தி இணையதளம் வீடியோ, படங்களை வெளியிட்டது. இதனடிப்படையில் ஃபிா்ஹாத் ஹகீம், சுப்ரதா முகர்ஜி உள்ளிட்டோர் உள்ளிட்ட பலர் மீது சிபிஐ வழக்குப் பதிவு செய்து விசாரணை நடத்தியது.

    மமதா பானர்ஜி சவால்

    மமதா பானர்ஜி சவால்

    இந்த விசாரணையைத் தொடர்ந்து அமைச்சர்கள் ஃபிா்ஹாத் ஹகீம், சுப்ரதா முகர்ஜி உள்ளிட்டோர் இன்று காலை சிபிஐ அதிகாரிகளால் கைது செய்யப்பட்டனர். இந்த கைதுக்கு மேற்கு வங்க முதல்வர் மமதா பானர்ஜி கடும் எதிர்ப்பு தெரிவித்து சிபிஐ அலுவலகத்துக்கு சென்றார். அங்கு மாநில அரசின் அனுமதி இல்லாமல் அமைச்சர்களை கைது செய்ததைப் போல எங்கே என்னையும் கைது செய்யுங்கள் என சிபிஐ அதிகாரிகளிடம் மமதா வாக்குவாதம் செய்தார்.

    சிபிஐ அலுவலகம் மீது கல்வீச்சு

    சிபிஐ அலுவலகம் மீது கல்வீச்சு

    மேலும் சிபிஐ அலுவலகம் முன்பாக திரண்ட திரிணாமுல் காங்கிரஸ் தொண்டர்கள் சிபிஐக்கு எதிராக முழக்கங்கள் எழுப்பினர். அப்போது சிபிஐ அலுவலகம் மீது கல்வீசியும் சிலர் தாக்குதல் நடத்தினர். இதனையடுத்து பாதுகாப்பு படையினர் தடியடி நடத்தி கூட்டத்தை கலைத்தனர்.

    கைது செய்ய வலியுறுத்தல்

    கைது செய்ய வலியுறுத்தல்

    இதனிடையே மாநில அரசு, சபாநாயகர் அனுமதி பெறாமல் அமைச்சர்களை கைது செய்தது சட்ட விரோதம்; ஆகையால் இந்த கைது நடவடிக்கையில் ஈடுபட்ட சிபிஐ அதிகாரிகளை கைது செய்ய வேண்டும் என்று மாநில காவல்துறை தலைவரிடம் திரிணாமுல் காங்கிரஸ் தலைவர்கள் வலியுறுத்தி உள்ளனர்.

    மே.வங்க ஆளுநர் கருத்து

    மே.வங்க ஆளுநர் கருத்து

    இந்நிலையில் மேற்கு வங்க ஆளுநர் ஜகதீப் தன்கர் தமது ட்விட்டர் பக்கத்தில், முதல்வர் மமதா பானர்ஜி அரசியல் சாசன மரபுகளையும் சட்டம் ஒழுங்கையும் பாதுகாக்கும் வகையில் நடந்து கொள்ள வேண்டும். சட்டம் ஒழுங்கை பாதுகாக்க போலீசார் உரிய நடவடிக்கை எடுக்க வேண்டும் என்று கேட்டுக் கொண்டுள்ளார்.

    English summary
    TMC has urged to the Kolkata Police to taken action against CBI officials who had arrested the West Bengal ministers.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X