• search
For Quick Alerts
ALLOW NOTIFICATIONS  
For Daily Alerts

ராஜஸ்தானில் ஆய்வாளர் பெரியபாண்டியன் கொல்லப்பட்ட இடத்தில் இரு துப்பாக்கிகள் கண்டெடுப்பு

By Mohan Prabhaharan
|

ஜோத்பூர் : ராஜஸ்தானில் ஆய்வாளர் பெரியபாண்டியன் சுட்டுக்கொல்லப்பட்ட இடத்தில் இரண்டு கைத்துப்பாக்கிகள் கைப்பற்றப்பட்டு அவை ஆய்வுக்கு அனுப்பப்பட்டு இருப்பதாக போலீஸார் தெரிவித்து உள்ளனர்.

கடந்த மாதம் சென்னையை அடுத்த கொளத்தூரில் உள்ள நகைக்கடை ஒன்றில் 3.5 கிலோ தங்கம் கொள்ளையடிக்கப்பட்டது. இந்த நகைகளை கொள்ளையடித்தவர்கள் ராஜஸ்தானில் பதுங்கி இருப்பதாக தகவல் அறிந்த தனிப்படை போலீஸார் அவர்களை கைது செய்ய அங்கு சென்றனர்.

Two Hand Guns Found at Inspector Periyapandiyan Murder Site in Rajasthan

இதில் இரு தினங்களுக்கு முன்பு கொள்ளையர்கள் இருக்கும் இடத்தை தமிழக தனிப்படை போலீஸார் சுற்றி வளைத்த போது கொள்ளையர்களுக்கும் போலீஸாருக்கும் இடையே மோதல் ஏற்பட்டது.

இந்த சம்பவத்தில் போலீஸாரின் துப்பாக்கியை எடுத்து கொள்ளையர்கள் சுட்டதில் ஆய்வாளர் பெரிய பாண்டியன் சம்பவ இடத்திலேயே பலியானார். இவரது உடல் பிரதேச பரிசோதனைக்கு பிறகு தமிழகம் கொண்டுவரப்பட்டு அரசு மரியாதையோடு அடக்கம் செய்யப்பட்டது. இன்னொரு ஆய்வாளர் முனிசேகரன் பலத்த காயமடைந்த நிலையில் மருத்துவமனையில் அனுமதிக்கப்பட்டு உள்ளார்.

இந்த சம்பவம் குறித்து அறிந்ததும் சென்னை மேற்கு மண்டல இணை ஆணையர் சந்தோஷ் குமார் உடனடியா ராஜஸ்தான் விரைந்தார். அங்கு அவர் ராஜஸ்தான் மாநில போலீஸாரோடு கொள்ளையர்களை பிடிப்பது குறித்து ஆலோசனை நடத்தி உள்ளார்.

இந்நிலையில், ஆய்வாளர் பெரியபாண்டியன் மரணத்தில் பல்வேறு சந்தேகங்கள் எழுந்துள்ளன. இதில் தற்போது பெரியபாண்டியன் சுட்டுக்கொல்லப்பட்ட இடத்தில் இருந்து இரண்டு கைத்துப்பாக்கிகளை போலீஸார் கைப்பற்றி உள்ளனர். தற்போது இந்த துப்பாக்கிகள் ஆய்வுக்கு அனுப்பப்பட்டு உள்ளன. மேலும், இந்த சம்பவத்தில் காயமடைந்த போலீஸார் அனைவரும் விசாரணை முடியும் வரை ராஜஸ்தானிலேயே இருப்பார்கள் என்றும் காவல்துறை தெரிவித்து உள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Two Hand Guns Found at Inspector Periyapandiyan Murder Site in Rajasthan. Police Sent those Guns for Examination and Further investigation is going on.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more