மூக்குமுட்ட குடித்துவிட்டு பிக்அப் செய்ய வந்த உபர் டிரைவர்.. தானே காரை ஓட்டி சென்ற பயணி
Recommended Video
பெங்களூர்: உபர் கால் டாக்ஸி டிரைவர் மது குடித்து விட்டு வந்ததால் பயணியே காரை ஓட்டிச் சென்ற சம்பவம் பெங்களூரில் பரபரப்பை ஏற்படுத்தியுள்ளது.
சூர்யா ஒருகாந்தி என்ற பயணி இதுதொடர்பான தகவல்களை தனது ட்விட்டர் பக்கத்தில் பதிவிட்டுள்ளார். அதில், தான் கெம்பேகவுடா விமான நிலையத்தில் இருந்து வீட்டுக்கு செல்வதற்காக உபர் கால் டாக்ஸி புக் செய்த போது தனது செல்போனில் வந்த டிரைவர் பெயருக்கும் நேரில் வந்த நபர் பெயருக்கும் வித்தியாசம் இருந்ததை கவனித்ததாக குறிப்பிட்டுள்ளார்.
மேலும், தன்னை பிக் அப் செய்ய வந்த டிரைவர் மது குடித்திருந்தது, மயக்கமுறும் நிலையில் இருந்ததால், தானே காரை இயக்கியதாகவும், அப்போது டிரைவரின் நிலைமையை செல்போனில் வீடியோ எடுத்து கொண்டுள்ளதாகவும் பதிவிட்டுள்ளார்
@Uber_India, the ride back from Bangalore airport was not quite what I expected. The driver was drunk and drowsy. I had to pull the car over to the side and I drove all the way home. Pic with the driver in the rider seat passed out.
— Surya Oruganti (@suryaoruganti) September 9, 2018
You need to fix this @Uber , @Uber_Support pic.twitter.com/G7LB0caeTM
அந்த வீடியோவில், தான் செல்போனில் வீடியோ எடுப்பது அந்த டிரைவருக்கு தெரியாத நிலையில் இருந்ததாகவும், ஆப்பில் குறிப்பிட்ட பெயருள்ள டிரைவர் இவர் இல்லை என்றும் புகார் கூறியுள்ளார். இதற்கு உபர் நிறுவனம் அளித்துள்ள ரிப்ளேயில், எங்களது பாதுகாப்பு டீம், இந்த விவகாரத்தை கையாளும் என தெரிவித்துள்ளது.
Here's a video of the driver who was drunk enough to not know he was being recorded. He was not the driver claimed by the app either. pic.twitter.com/IPnwBkTZ7R
— Surya Oruganti (@suryaoruganti) September 9, 2018
இதனிடையே இன்று காலை சூர்யா வெளியிட்ட ட்வீட்டில், புகார் கொடுத்து 20 மணி நேரம் கழித்து, உபர் பாதுகாப்பு டீம் எனக்கு கால் செய்திருந்தனர். பாதுகாப்பு இல்லை என்பதால், நான் காரை இயக்கியிருக்க கூடாது என அவர்கள் அட்வைஸ் செய்தனர். டிரைவருக்கு கற்பிப்பதாகவும், தேவைப்பட்டால் டிரைவரை பணி நீக்கம் செய்வதாகவும் தெரிவித்துள்ளனர்.
Uber safety team promptly called back about 20 hours later. They said I shouldn't drive a cab because that's a safety issue. And that they'll educate the driver whatever that means and might terminate the driver if there's recurrence.#sorrynotsorry @UberINSupport @Uber_India
— Surya Oruganti (@suryaoruganti) September 15, 2018