• search
For Quick Alerts
ALLOW NOTIFICATIONS  
For Daily Alerts

ஆபரேஷன் செய்து கொண்டே ஆஜரான 'பலே' மருத்துவர்.. ஷாக்கான நீதிபதி!

|

கலிபோர்னியா: ஆபரேஷன் செய்து கொண்டே வீடியோ கான்ஃபரன்ஸ் மூலமாக வழக்கு விசாரணைக்கு ஆஜரான மருத்துவர் இப்போது சிக்கலில் மாட்டிக் கொண்டு முழித்து வருகிறார்.

அமெரிக்காவின் கலிபோர்னியாவையைச் சேர்ந்த ஸ்காட் கிரீன் எனும் பிளாஸ்டிக் சர்ஜன் மருத்துவர் மீது, டிராஃபிக் விதிமுறைகளை மீறியதாக வழக்குப்பதிவு செய்யப்பட்டது. இந்த வழக்கு விசாரணைக்காக நீதிமன்ற அதிகாரிகள் மருத்துவரை தொடர்பு கொண்டு, வீடியோ கான்ஃபரன்ஸ் மூலமாக விசாரணைக்கு ஆஜராக முடியுமா என்று கேள்வி எழுப்பினர்.

US doctor appears in court trail via video call while performing surgery

அப்போது சார்வாள் ஆபரேஷன் செய்து கொண்டிருந்திருக்கிறார். விசாரணைக்கு அழைப்பு வந்த போது, ஆபரேஷன் செய்கையில் அணியும் உடை அணிந்து, கையில் கத்தி மற்றும் இன்ன பிற சமாச்சாரங்களுடன் நின்றிருக்கிறார். அறுவை சிகிச்சை இயந்திரங்களின் பீப் சப்தமும் ஒலித்துக் கொண்டிருந்திருக்கிறது.

இதையெல்லாம் பார்த்த நீதிமன்ற அலுவலர், 'நீங்கள் ஆபரேஷன் செய்து கொண்டிருக்கிறீர்கள் போலவே?' என்று கேட்க, மருத்துவரோ, 'ஆமாம். நான் இப்போது அறுவை சிகிச்சை ஒன்றை செய்து கொண்டிருக்கிறேன். எனினும், இப்போது விசாரணைக்கு தயார்' என்று கூறியிருக்கிறார்.

பிறகு நீதிபதி கேரி லிங்க் வந்து விசாரணையை தொடங்கும் போது, மருத்துவரின் கோட், சூட், கத்தி, செட்டப்பையெல்லாம் பார்த்து ஒரு நொடி ஜெர்க் ஆகி, 'இது சரி வராது. பேஷண்ட்டின் உடல்நலம் தான் முக்கியம்' என்று விசாரணையை நிறுத்திவிட்டார்.

இதற்கும் கூலாக பதிலளித்த நம்ம மருத்துவர், 'எனக்கு அருகில் வேறொரு மருத்துவர் உள்ளார். அவர் எல்லாவற்றையும் பார்த்துக் கொள்வார். நீங்கள் விசாரணையை தொடங்கலாம்' என்று ஜட்ஜுக்கே ஆறுதல் சொல்ல, வேறொரு நாளில் விசாரணையை வைத்துக் கொள்ளலாம் என்று அந்த செஷனை முடித்துவிட்டார்.

எனினும், இந்த விவகாரம் கலிபோர்னியா மருத்துவ கவுன்சில் வரை செல்ல, மருத்துவரிடம் இதுகுறித்து விசாரணை நடத்தப்படும் என்று தெரிவிக்கப்பட்டுள்ளது.

விசாரணைக்கு ஒரு விசாரணையா!! முடில...

 
 
 
English summary
US doctor appears in court trail via video call while performing surgery
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X