• search
For Quick Alerts
ALLOW NOTIFICATIONS  
For Daily Alerts

பிரியா பிரகாஷ் வாரியரின் ‘அந்த’ப் படத்தை விபத்து விழிப்புணர்வுக்கு பயன்படுத்தும் போலீசார்!

Google Oneindia Tamil News

வதோதரா: வாகன ஓட்டிகளின் பாதுகாப்பு குறித்த விழிப்புணர்வு பிரச்சாரத்தில் பிரபல மலையாள நடிகை பிரியா பிரகாஷ் வாரியர் மற்றும் இந்தி நடிகர் அஜய் தேவ்கன் உள்ளிட்டோரின் புகைப்படங்களைப் பயன்படுத்தி விளம்பரப்படுத்தியுள்ளனர் வதோதரா போலீசார்.

சமூக ஊடகத்தின் வளர்ச்சி விஸ்வரூபம் எடுத்துள்ள இன்றைய சூழலில், எந்த ஒரு செய்தியையும் அதன் வழியாக மக்களிடம் நேரடியாக கொண்டு செல்ல முடியும் என்ற நம்பிக்கை அனைவரிடமும் ஏற்பட்டுள்ளது.

அந்த வகையில் சாலை பாதுகாப்பு பற்றி மக்களிடம் விழப்புணர்வு ஏற்படுத்தும் வகையில், குஜராத் மாநிலம் வதோதரா நகர் போலீசார் வித்தியாசமான டிவிட்களைப் பதிவிட்டு வருகின்றனர்.

சினிமா பிரபலங்கள்:

சினிமா பிரபலங்கள்:

உதாரணத்திற்கு ஒரு அடார் லவ் மலையாளப் படத்தில் நடித்து பிரபலாமான நடிகை பிரியா பிரகாஷ் வாரியர், இந்தி நடிகர் அஜய் தேவ்கான் உள்பட சினிமா பிரபலங்களின் படங்களை பயன்படுத்தி சாலை பாதுகாப்பு பற்றி விழிப்புணர்வு ஏற்படுத்த முயற்சித்துள்ளனர். இந்தப் படங்கள் தற்போது இணையத்தில் வைரலாகி உள்ளது.

கவனம் தேவை:

கவனம் தேவை:

பிரியா பிரகாஷ் வாரியரின் கண் அடிக்கும் புகைப்படத்துடன் வெளியாகியுள்ள விளம்பரத்தில், "கண் இமைக்கும் நேரத்தில் எதுவும் நடக்கலாம்; எந்த சிதறலும் இல்லாமல் கவனமாக வாகனத்தை ஓட்டுங்கள்" என விழிப்புணர்வு வரிகள் இடம் பெற்றுள்ளன.

புதிய முயற்சி:

புதிய முயற்சி:

தங்களது இந்த முயற்சி குறித்து வதோதரா போலீஸ் கமிஷ்னர் மனோஜ் சஷிதர் நாளிதழ் ஒன்றிற்கு அளித்துள்ள பேட்டியில், " எந்த ஒரு செய்தியையும் மக்களிடம் நேரடியாக கொண்டு செல்ல வேண்டும் என்றால், அவர்களிடம் பிரபலமாக உள்ள விஷயத்தை பயன்படுத்த வேண்டும். அந்த வகையில் தான் நடிகர்களின் படங்களை பயன்படுத்தி விழிப்புணர்வு ஏற்படுத்த முயற்சித்துள்ளோம். இதற்கு நல்ல பயன் கிடைத்துள்ளது" எனத் தெரிவித்துள்ளார்.

மும்பை போலீசார்:

மும்பை போலீசார்:

வதோதரா போலீசாரின் இந்த முயற்சிக்கு நல்ல வரவேற்பு கிடைத்துள்ளது. முன்னதாக மும்பை மற்றும் பெங்களூரு போலீசாரின் சமூக ஊடக விழிப்புணர்வு பிரச்சாரங்கள் வைரலானது குறிப்பிடத்தக்கது.

மாறுவேடத்தில் பிரச்சாரம்:

மாறுவேடத்தில் பிரச்சாரம்:

தமிழகத்திலும் கூட போக்குவரத்து போலீசார் எமதர்மன் வேடத்தில் அவ்வப்போது விழிப்புணர்வு பிரச்சாரத்தில் ஈடுபட்டு வருகின்றனர் என்பது நினைவுக் கூரத்தக்கது.

English summary
From Mumbai to Bengaluru, netizens have been impressed with cops upping their social media game and putting out tweets and viral posts sprinkled with witty pop culture references and puns. And the latest to catch the Internet's attention is the Vadodara City Police.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X