குடியரசுத் தலைவர், துணை குடியரசுத் தலைவர் கார்களில் நம்பர் பிளேட் அவசியம்.. டெல்லி ஹைகோர்ட்
குடியரசுத் தலைவர், துணை குடியரசுத் தலைவர் கார்களில் நம்பர் பிளேட் அவசியம் என டெல்லி ஹைகோர்ட் தெரிவித்துள்ளது.
டெல்லி: குடியரசுத் தலைவர், துணை குடியரசுத் தலைவர் கார்களில் நம்பர் பிளேட் அவசியம் என ஹைகோர்ட் தெரிவித்துள்ளது.
குடியரசுத் மற்றும் துணை குடியரசுத்தலைவர் பயன்படுத்தும் கார்களின் பதிவு எண்கள், கண்ணுக்கு தெரியும்படி வைக்கப்பட வேண்டும் என டெல்லி உயர் நீதிமன்றத்தில் மத்திய அரசு பதில் மனு தாக்கல் செய்துள்ளது.
டெல்லியைச் சேர்ந்த தன்னார்வ தொண்டு நிறுவனம் டெல்லி உயர் நீதிமன்றத்தில் பொதுநல மனுதாக்கல் செய்தது. அதில் குடியரசு தலைவர், துணை குடியரசுத் தலைவர், கவர்னர்கள், வெளியுறவுத்துறை அமைச்சகம் உள்ளிட்ட அலுவலக வாகனங்கள், மோட்டார் வாகனச்சட்டப்படி பதிவு செய்யப்படவில்லை.
பறிமுதல் செய்ய வேண்டும்
அவை உடனடியாக பதிவு செய்யப்பட்டு வாகன பதிவெண்கள் வெளியில் தெரியும்படி கார்களில் வைக்கப்பட வேண்டும். அப்படி பதிவு செய்யப்படாத வாகனங்களை, போலீசார் பறிமுதல் செய்ய வேண்டும் என அந்த மனுவில் கூறப்பட்டிருந்தது.
மத்திய அரசு பதில்
இதையடுத்து இதுகுறித்து பதில் அளிக்கும்படி மத்திய அரசுக்கு, டெல்லி உயர்நீதிமன்றம் உத்தரவிட்டிருந்தது. இந்நிலையில் டெல்லி உயர்நீதிமன்றத்தில் மத்திய சாலை போக்குவரத்து மற்றும் நெடுஞ்சாலைத்துறை அமைச்சகம் இதுதொடர்பாக பதில் மனு தாக்கல் செய்துள்ளது.
பதிவு செய்யப்பட வேண்டும்
அதில் குடியரசுத் தலைவர், துணை குடியரசுத் தலைவர், கவர்னர்கள், வெளியுறவுத் துறை அமைச்சக வாகனங்கள் அனைத்தும், வாகன போக்குவரத்து சட்டத்தின்படி பதிவு செய்யப்பட வேண்டும். இது குறித்து, தொடர்புடைய அலுவலகங்களுக்கு கடிதம் அனுப்பப்பட்டுள்ளதாக தெரிவிக்கப்பட்டுள்ளது.
கார்களில் தெரியும்படி
இது தொடர்பாக துணை குடியரசுத் தலைவர் அலுவலகத்தில் இருந்து பதில் வந்துள்ளது. அதில், துணை குடியரசு மற்றும் அவரது மனைவி உட்பட, தங்கள் அலுவலக கார்கள் அனைத்தும் பதிவு செய்யப்பட்டு உள்ளதாகவும், பதிவெண்கள், கார்களில் தெரியும்படி வைக்கப்பட்டு உள்ளதாகவும் கூறப்பட்டு இருந்தது.
விரைவில் பதிவு செய்யப்படும்
வெளியுறவு அமைச்சகம் அளித்த பதிலில், வெளிநாட்டு பிரதிநிதிகள் இந்தியா வரும்போது, அவர்கள் பயன்பாட்டுக்காக, 14 கார்கள் உள்ளதாகவும், அவை, விரைவில் பதிவு செய்யப்படும் என்றும் பதில் அளிக்கப்பட்டுள்ளது.
அறிவுறுத்தல்
எனவே குடியரசுத் தலைவர் துணை குடியரசுத் தலைவர், கவர்னர்கள் பயன்படுத்தும் கார்கள் மற்றும் அவர்களது அலுவலக கார்கள் அனைத்தும் பதிவு செய்யப்பட்டு, அந்த எண் வெளியில் தெரியும்படி வைக்கப்பட வேண்டும் என அறிவுறுத்தப்பட்டு உள்ளது என்றும் தெரிவிக்கப்பட்டுள்ளது.