பிரபல தெலுங்கு திரைப்பட இயக்குநர் தாசரி நாராயணராவ் காலமானார்

ஹைதராபாத்: பிரபல தெலுங்கு திரைப்பட இயக்குநர் தாசரி நாரயணராவ் உடல் நலக்குறைவால் காலமானார். அவருக்கு வயது 75.

காங்கிரஸ் கட்சியில் இருந்த தாசரி நாரயராவ், முந்தைய ஐக்கிய முற்போக்கு கூட்டணி அரசில் நிலக்கரித் துறை இணை அமைச்சராக பொறுப்பு வகித்துள்ளார். மறைந்த தமிழக முதல்வர் ஜெயலலிதாவின் வாழ்க்கை வரலாற்றை திரைப்படமாக எடுக்க உள்ளதாக தாசரி நாராயணராவ் அண்மையில் அறிவித்திருந்தார்.

இதனிடையே கடந்த சில மாதங்களுக்கு முன்பு சுவாசப் பிரச்சனை மற்றும் சிறுநீரகப் பிரச்சனையால் பாதிக்கப்பட்டிருந்தார். தொடர்ந்து ஹைதராபாத்தில் உள்ள தனியார் மருத்துவமனையில் சிகிச்சை பெற்று வந்தார்.

இந்நிலையில் தாசரி நாராயணராவின் உடல்நிலை திடீரென மோசமடைந்தது. மருத்துவர்கள் அவருக்கு தீவிர சிகிச்சை அளித்து வந்த நிலையில் சிகிச்சை பலனின்றி இன்று காலமானார். அவருக்கு வயது 75. தமிழ், தெலுங்கு ஹிந்தி உள்பட 151 படங்களை இயக்கியுள்ளார் தாசரி நாராயணராவ்.

English summary

former union minister adnd Veteran Director Dasari Narayana Rao passed away on Tuesday at KIMS Hospital