பெட்ரோல், டீசல் விலை உயர்வுக்கு எதிர்ப்பு: எலக்ட்ரிக் ஸ்கூட்டரில் பயணம் செய்த மம்தா பானர்ஜி!
கொல்கத்தா: பெட்ரோல், டீசல் விலை உயர்வுக்கு எதிர்ப்பு தெரிவித்து மேற்கு வங்காள முதல்வர் மம்தா பானர்ஜி ஸ்கூட்டரில் ஸ்கூட்டரில் பயணம் செய்யும் வீடியோ வெளியாகி உள்ளது.
சாமானிய மக்கள் மீது பெட்ரோல், டீசல் விலையை ஏற்றி மோடி அரசு இந்த அளவுக்கு அழுத்தம் கொடுப்பதாக அவர் தெரிவித்தார்.
நாடு முழுவதும் பெட்ரோல் டீசல், விலை கடுமையாக அதிகரித்து வருகிறது. பல்வேறு மாநிலங்களில் பெட்ரோல் விலை சதத்தை கடந்து விட்டது.
சதமடித்த பெட்ரோல் விலை
நாடு முழுவதும் பெட்ரோல் டீசல், விலை கடுமையாக அதிகரித்து வருகிறது. பல்வேறு மாநிலங்களில் பெட்ரோல் விலை சதத்தை கடந்து விட்டது. இது போதாதென்று சமையல் கியாஸ் விலையும் அதிகரித்து மக்களை பாடாய்படுத்தி வருகிறது. சர்வதேச சந்தையில் கச்சா எண்ணெய் விலை குறைந்தாலும் இந்தியாவில் பெட்ரோல், டீசல் விலை குறையவில்லை என பலரும் குற்றம் சாட்டி வருகின்றனர்.
பல்வேறு இடங்களில் போராட்டம்
பெட்ரோல், டீசல் விலை உயர்வை கண்டித்து நாடு முழுவதும் பல்வேறு இடங்களில் போராட்டம் நடந்து வருகிறது. காங்கிரஸ் உள்ளிட்ட எதிர்க்கட்சிகளும் மத்திய அரசு பெட்ரோல், டீசல் விலையை குறைக்க வேண்டும் என்று வலியுறுத்தின. ஆனால் காங்கிரஸ் ஆட்சியில் செய்த தவறால்தான் பெட்ரோல், டீசல் விலை உயர காரணம் என்று பாஜக கூறியுள்ளது.
எலக்ட்ரிக் ஸ்கூட்டரில் பயணித்த மம்தா
இந்த நிலையில் பெட்ரோல், டீசல் விலை உயர்வுக்கு எதிர்ப்பு தெரிவித்து மேற்கு வங்காள முதல்வர் மம்தா பானர்ஜி எலக்ட்ரிக் ஸ்கூட்டரில் பயணம் செய்யும் வீடியோ வெளியாகி உள்ளது. இன்று காலை அவர் எலக்ட்ரிக் ஸ்கூட்டரில் நபாரா நோக்கி சென்றார். மேற்கு வங்க நகர்ப்புற மேம்பாட்டுத்துறை அமைச்சரும், கொல்கத்தா மேயருமான ஃபிர்ஹாத் ஹக்கீம் ஸ்கூட்டரை ஓட்ட மம்தா பானர்ஜி அதில் அமர்ந்து பயணம் செய்வதுபோல் இந்த வீடியோ அமைந்துள்ளது.
பிரதமர் மோடி தாக்கு
சிக்னலில் ஸ்கூட்டர் நிற்கும்போது போக்குவரத்து காவலர்கள் போக்குவரத்தை ஒழுங்குபடுத்துகின்றனர். இந்த ஸ்கூட்டருக்கு பின்னால் பலரும் பின் தொடர்ந்து செல்கின்றனர். எலக்ட்ரிக் ஸ்கூட்டரில் நபாராவை அடைந்த மம்தா பானர்ஜி சாமானிய மக்கள் மீது பெட்ரோல், டீசல் விலையை ஏற்றி மோடி அரசு இந்த அளவுக்கு அழுத்தம் கொடுப்பதாக தெரிவித்தார். மம்தா பானர்ஜி முதல்வராக பொறுப்பேற்ற பிறகு எலக்ட்ரிக் ஸ்கூட்டரில் பயணம் செய்வது இதுவே முதன்முறையாகும்.