வெளிநாட்டிலும் கவாஸ்கரை துரத்திய 'பார்லே ஜி' பிஸ்கட்.. தங்கை சுவாரசிய தகவல்
மும்பை: இந்திய கிரிக்கெட் அணியின் முன்னணி பேட்ஸ்மேனாக திகழ்ந்த சுனில் கவாஸ்கர் 'பார்லே ஜி ' குளுகோஸ் பிஸ்கெட்டை விரும்பி சாப்பிடுவார் என அவரது தங்கை நுதன் மனம் திறந்து பேசினார்.
இந்திய கிரிக்கெட் அணியின் முன்னணி பேட்ஸ்மேனாக திகழ்ந்த சுனில் கவாஸ்கர் நேற்று தனது 67-வது பிறந்தநாளை கொண்டாடினார். மும்பையில் உள்ள இந்திய கிரிக்கெட் சங்கத்தில் நேற்று நடந்த கவாஸ்கரின் பிறந்தநாள் நேற்று கொண்டாடப்பபட்டது.
அப்போது கவாஸ்கரின் தங்கை நுதன் செய்தியாளர்களிடம் கூறுயதாவது: கவாஸ்கருக்கு ‘பார்லே-ஜி' பிஸ்கெட் என்றால் ரொம்பப் பிடிக்கும். டீ அல்லது காபி அருந்தும்போது கட்டாயமாக அந்த பிஸ்கட் இருக்க வேண்டும் என விரும்புவார்.
வெஸ்ட் இண்டீஸ் போன்ற தொலைவான நாடுகளில் நடந்த கிரிக்கெட் போட்டிகளில் அவர் விளையாட சென்றிருந்த வேளைகளில் எல்லாம், கவாஸ்கருக்கு நாங்கள் பார்லே ஜி பிஸ்கெட் கொடுத்து அனுப்புவோம்.
கவாஸ்கர் அந்த நாடுகளில் இருக்கும் போது அங்கு செல்லும் பத்திரிகையாளர்கள் அல்லது குடும்ப நண்பர்கள் யாரிடமாவது, அவருக்கு பிடித்தமான ‘பார்லே-ஜி' குளுக்கோஸ் பிஸ்கட் பாக்கெட்களை மும்பையில் இருந்து கொடுத்து அனுப்புவோம்.
தற்போது அவருக்கு சர்க்கரை நோய் உள்ளதால், இனிப்பான பிஸ்கெட்களை தவிர்க்க கவாஸ்கர் முயற்சி செய்து வருகிறார். ஆனாலும், பார்லே ஜி பிஸ்கெட் என்றால் அவருக்கு இன்னமும் பிடிக்கும் என்று கூறினார்.