மூதாட்டியிடம் புகார் வாங்க மறுத்த போலீஸ் இன்ஸ்பெக்டரை திட்டிய பெண் எம்.எல்.ஏ.: வீடியோ இதோ
லக்னோ: உத்தர பிரதேசத்தில் ஆளும் சமாஜ்வாடி கட்சியை சேர்ந்த எம்.எல்.ஏ. லட்சுமி கவுதம் வயதான பெண் ஒருவர் அளித்த புகாரை வாங்க மறுத்த போலீஸ் இன்ஸ்பெக்டரை திட்டியபோது எடுக்கப்பட்ட வீடியோ வெளியாகி பரபரப்பை ஏற்படுத்தியுள்ளது.
உத்தர பிரதேச மாநிலத்தில் ஆளும் சமாஜ்வாடி கட்சியை சேர்ந்த எம்.எல்.ஏ. லட்சுமி கவுதம். அவர் புதன்கிழமை மக்களை சந்தித்தார். அப்போது வயதான பெண் ஒருவர் அளித்த புகாரை போலீஸ் இன்ஸ்பெக்டர் ஒருவர் வாங்க மறுத்ததுடன் அவரிடம் கடுமையாக நடந்து கொண்டது குறித்து லட்சுமியிடம் தெரிவிக்கப்பட்டது.
Sambhal (UP): SP MLA Laxmi Gautam scolds police inspector for allegedly neglecting complaint of a woman (March 16)https://t.co/9s2T4Q5qcq
— ANI (@ANI_news) March 17, 2016
இதை கேட்ட உடன் லட்சுமி தனது அருகில் நின்ற போலீஸ் இன்ஸ்பெக்டரை திட்டினார். யாராவது புகார் அளித்தால் இப்படித் தான் வாங்காமல் இருப்பதா என்று திட்டினார். அவர் திட்டியபோது எடுக்கப்பட்ட வீடியோ வெளியாகியுள்ளது.
இது குறித்து லட்சுமி செய்தியாளர்களிடம் கூறுகையில்,
யாராவது உங்களை அணுகினால் அவரிடம் ஒழுங்காக நடந்து கொள்ள வேண்டும். அந்த இன்ஸ்பெக்டர் செய்தது சரி அல்ல. அதனால் தான் அவரை திட்டினேன் என்றார்.