யூடியூப் சேனல் நடத்தி 6 வயதில் ரூ. 55 கோடிக்கு வீடு வாங்கிய சிறுமி.. வாயை பிளக்கும் ரசிகர்கள்
சியோல்: 6 வயது யூ டியூப் பிரபலமான போரம் ரூ.55 கோடி மதிப்பிலான வீடு வாங்கி இருப்பது ஆச்சர்யத்தை ஏற்படுத்தி உள்ளது.
தென் கொரியாவைச் சேர்ந்த 6வயது சிறுமி போரம். இவர் யூடியூப்பில் மிகவும் பிரபலம் ஆவார். இவர் இரண்டு யூ டியூப் சேனல்களை நடத்தி வருகிறார். போரம் தனது ஒரு யூடிபூப் சேனல் மூலம் உலக அளவில் குழந்தைகள் விளையாடும் பொம்மைகள் குறித்து விமர்சனம் செய்து வருகிறார். மற்றொரு யூடியூப் சேனலில் குழந்தைகளுக்கான வீடியோக்கள் வெளியிட்டு வருகிறார்கள். இதன் மூலம் உலகம் முழுவதும் கோடிக்கணக்கானோர் போரம்மை பின் தொடர்கிறார்கள்.
இதில் பொம்மைகள் தொடர்பான விமர்சனங்கள் செய்யும் சேனலுக்கு 13. 6 மில்லியன் ரசிகர்களும், வீடியோ பிளாக் சேனலுக்கு 17.6 மில்லியன் ரசிகர்களும் அதாவது சந்தாதாரர்கள் உள்ளனர். இதன் மூலம் போரம்முக்கு 3 கோடியே 10 லட்சம் பேர் ரசிகர்களாக உள்ளனர்.
இதன் காரணமாக போரம்மின் யூடியூப் சேனல்களுக்கு மாதம் 21 லட்சம் ரூபாய் வருமானம் வருகிறதாம். இதன் காரணமாக குறுகிய காலத்திலேயே போரம்மின் பெற்றோர் ரூ.55 கோடி மதிப்பிலான 5 மாடி வீட்டினை தென்கொரியாவின் சியோல் நகரில் வாங்கியுள்ளனர். இந்த தகவலை தென்கொரியாவில் உள்ள செய்தி நிறுவனங்கள் போரம்மை பாராட்டி வெளியிட்டுள்ளன.
யூடியூப் சேனல் நடத்தி சிறுமி போரம் 6வயதிலேயே 55 கோடி ரூபாய் மதிப்புள்ள வீடு வாங்கி இருப்பதை உலக அளவில் பலரும் வியந்து போய் வாயை பிளந்து பாராட்டி வருகிறார்கள்.