தாத்தாவுக்கு நேரம் சரியில்லை.. 78 வயசு.. பொண்ணுக்கு 17 வயசுதான்.. "அந்த" 22 நாளில் எல்லாம் போச்சு!
இந்தோனேஷியாவில் 17 வயது சிறுமியை 78 வயது முதியவர் விவாகரத்து செய்துள்ளார்
ஜகார்த்தா: 78 வயசு தாத்தா, 17 வயசு பெண்ணை கல்யாணம் செய்து கொண்டார்.. என்ன ஆனதோ தெரியவில்லை.. திடீரென 22 நாட்களில் டைவர்ஸ் செய்துவிட்டார்கள்!
இந்த சம்பவம் இந்தோனேஷியாவில் நடந்துள்ளது.. பொதுவாக அந்த தீவில் நடக்கும் கல்யாணம் என்றாலே கொஞ்சம் ஸ்பெஷல்தான்.. ஒரே மேடையில் 2 பெண்களை கல்யாணம் செய்த சம்பவம் உண்டு... கட்டினால் 17 வயது சிறுவனை தான் கட்டுவேன் என்று அடம்பிடித்த 71 வயது பாட்டியும் உண்டு!
இப்போதும் அப்படியேதான் ஒரு கல்யாணம் நடந்தது.. மாப்பிள்ளைக்கு வயசு 78, பொண்ணுக்கு வயசு 17.. இரு வீட்டிலும் விரும்பியே திருமணத்தை செய்துவைத்தனர்.. அபா சர்னா என்பது அந்த தாத்தாவின் பெயர்.. மனைவி பெயர் நோனி நவிதா.
இவர்கள் திருமணம் நடந்தபோதே உலக மக்களின் கவனத்தை பெரிதும் ஈர்த்தது.. யார் கண்ணு பட்டதோ ஒரு மாசம் கூட ஆகவில்லை.. அதற்குள் டைவர்ஸ் கேட்டு கோர்ட்டுக்கு போய்விட்டார் கல்யாண பெண். வெறும் 22 நாட்களில், கணவனை பிரிந்ததுடன், தன்னுடைய டைவர்ஸ் பேப்ரையும் மாப்பிள்ளைக்கு அனுப்பி வைத்துவிட்டார்.
ஆனால், இவர்களுக்குள் ஒரு சண்டையும் இல்லையாம், சச்சரவும் இல்லையாம்.. சந்தோஷமாகத்தான் இருந்தார்களாம்.. ஆனால், யாரோ வேண்டாதவர்கள் பெண்ணின் மனசை ஏதோதோ சொல்லி குழப்பி விட்டதாக கூறப்படுகிறது.. நோனி கல்யாணத்துக்கு முன் கர்ப்பமாக இருந்ததாக ஒரு புது புகாரும் முளைத்துள்ளது. இது உண்மையா என்று தெரியவில்லை.
நம்ம ஊர் போல இல்லை.. அங்கே மணமகன்தான் மணமகளின் குடும்பத்திற்கு வரதட்சணை தருவார்களாம்.. இப்போது டைவர்ஸ் நோட்டீஸ் அனுப்பப்பட்டதும், அந்த வரதட்சணை பொருட்கள் ஒரு டிரக் மூலம் திருப்பி கொண்டு செல்லப்பட்டன... அந்த போட்டோக்கள்தான் இப்போது இணையத்தில் வைரலாகி வருகின்றன.