லைப்ரரியில் டேபிளுக்கு கீழே தவழ்ந்து வந்து பெண்ணின் காலை ‘மோப்பம்’ பிடித்த நபர் கைது!
மியாமி: அமெரிக்காவின் புளோரிடாவில் உள்ள ஒரு நூலகத்தில், டேபிளுக்குக் கீழே தவழ்ந்து வந்து ஒரு பெண்ணின் காலை முகர்ந்து பார்த்த நபரைப் போலீஸார் கைது செய்துள்ளனர்.
செப்டம்பர் 15ம் தேதி இந்த சம்பவம் நடந்துள்ளது. மியாமி போலீஸார் இதுதொடர்பாக எட்டி ஜுவான் என்பவரைக் கைது செய்துள்ளனர்.
இந்த நபர் மீது பல நாட்களாக புகார் வந்துள்ளது. ஆனால் கையும் களவுமாக இவர் பிடிபடாமல் இருந்தார். இதையடுத்து அவரைத் தீவிரமாக கண்காணித்துப் பிடித்துள்ளனராம்.
புளோரிடா சர்வதேச பல்கலைக்கழகத்தில் நூலகத்தில் படித்துக் கொண்டிருந்த பெண்ணின் காலை, இந்த நபர் டேபிளுக்குக் கீழே நைஸாக தவழ்ந்து வந்து மோந்து பார்த்துள்ளார். அப்பெண் கூச்சலிட்டுக் கத்தவே அக்கம் பக்கத்தில் இருந்தோர் ஓடி வந்து இந்த நபரைப் பிடித்தனர். பின்னர் போலீஸாருக்குத் தகவல் தந்து அவர்கள் விரைந்து வந்து இவரைக் கைது செய்தனர்.
இந்த நபருக்கு 52 வயதாகிறது. இவருக்கு இந்த நூதனப் பழக்கம் ரொம்ப காலமாக இருக்கிறதாம். பெண்களின் காலைத்தான் முகர்ந்து பார்ப்பாராம் இவர். இவர் மீது பல்வேறு பிரிவுகளின் கீழ் போலீஸார் வழக்குப் பதிவு செய்துள்ளனர்.