அன்று “வீட்டு வேலைக்காரி”... இன்று “பியூட்டி குயின்".. இது ஜனிசல் லுபினியாவின் கதை!

மணிலா: பிலிப்பைன்ஸில் வீட்டு வேலைக்காரப் பெண்ணாக இருந்த ஒருவர் இன்று பிலிப்பைன்ஸே போற்றும் அழகியாக வலம் வந்து அசத்தி வருகிறார். அவர்தான் ஜனிசல் லுபினியா.

பிலிப்பைன்ஸ் நாட்டின் வறுமை மிகுந்த பகுதியான பாலவான் மாகாணத்தைச் சேர்ந்தவர் ஜனிசல். தாயார் வீட்டு வேலைக்காரியாக இருந்தார். இளம்வயதில், ஜனிசலும் தனது தாயாருடன் வீட்டு வேலைக்கு சென்று வந்தார்.

வறுமையில் வாடிய குடும்பமா இருந்தாலும் கடவுள் கொடுத்த வரமாக சிறுமி நாளொரு மேனியும் பொழுதொரு வண்ணமுமாக வளர்ந்து இளம் மங்கையானார்.

ஜனிசல் 6 அடி உயரமுள்ள அழகு பதுமை. கரு கருவென்ற கூந்தல், பட்டு போன்ற உடல் வாகு. பார்ப்பவரை சுண்டி இழுக்கும் அழகு. அவரது அதிர்ஷ்டம் மெலிந்த பட்டு போன்ற உடலின் அழகால் கவரப்பட்ட ஒரு ஒப்பனைக் கலைஞரால் கண்டெடுக்கப்பட்டு தூசி படிந்த தெருக்களில் சுற்றிய லுபினியா மாடல் அழகியாக மாறினார்.

இப்போது பிலிப்பைன்சில் இவரது பெயரை உச்சரிக்காத வீடுகளே இருக்க முடியாது. 2013 ஆம் ஆண்டு மிஸ் யுனிவர்ஸ் பிலிப்பைன்ஸ்சாக தேர்ந்து எடுக்கப்பட்டார். அது முதல் சிறந்த மாடல் அழகியாகவும், நடிகையாகவும் வலம் வருகிறார். இந்த வாழ்க்கை கிடைத்தற்காக அவர் அழகி போட்டிகளுக்கு நன்றி செலுத்துகிறார்.

இது குறித்து அவர், "எனது தாயார் வீட்டு வேலைக்காரியாக இருந்து உள்ளார். நானும் வீட்டு வேலைகளை செய்து உள்ளேன். ஒரு நாள் நான் ஒரு தளம் முழுவதையும் சுத்தம் செய்தேன்.

எனது முதலாளி அது சரியாக சுத்தம் செய்யப்படவில்லை என கூறி மீண்டு அந்த தளம் முழுவதையும் சுத்தம் செய்யுமாறு கூறினார். நானும் சுத்தம் செய்தேன்" என்று தனது பழைய வாழ்க்கையை நினைவு கூர்ந்துள்ளார்.

English summary

As a child, beauty queen Janicel Lubina used to mop the floor for others. She was a housemaid. But today, she has cat-walked her way into the hall of fame and has become a common household name in Philippines, all thanks beauty pageants.