ப்பா.. எத்தனை ஜீன்ஸ்.. இந்த பொண்ணு கழட்ட கழட்ட நமக்கு மயக்கமே வருதே.. சாமர்த்தியசாலி தான்!
ஒன்றின் மேல் ஒன்றாக அணிந்து, பெண் ஒருவர் ஜீன்ஸ் திருடும் வீடியோ வைரலாகி வருகிறது.
கராகஸ்: வெனிசுலா நாட்டில் பெண் ஒருவர் துணிக்கடையில் இருந்து ஜீன்ஸ் திருடும் வீடியோ வைரலாகியுள்ளது.
சமூக வலைதளங்களில் தினந்தோறும் பல வீடியோக்கள் வைரலாகி வருகின்றன. அவை எல்லாமும் நம்மை ஆச்சரியப்படுத்துவதில்லை. ஆனால் இந்த வீடியோ நிச்சயம் உங்களை ஆச்சரியப்படுத்தும்.
வெனிசுலா நாட்டில் உள்ள ஒரு துணிக்கடையில் இருந்து வெளியாகி இருக்கிறது இந்த வீடியோ. அதில் ஜீன்ஸ் பேண்டுகளை திருடி மாட்டிக்கொண்ட பெண் ஒருவர் இருக்கிறார். கழிவறையில் இருந்து எடுக்கப்பட்டுள்ள இந்த வீடியோவில் அந்த பெண் தான் அணிந்திருக்கும் ஜீன்ஸ் பேண்டுகளை ஒவ்வொன்றாக கழற்றுகிறார்.
வீடியோ எடுக்கும் நபர் எத்தனை ஜீன்ஸ்களை அவர் கழற்றுகிறார் என்பதை எண்ணும் குரல் நமக்கு கேட்கிறது. மொத்தம் ஒன்பது ஜீன்ஸ் பேண்டுகளை ஒன்றன் மேல் ஒன்றாக அணிந்து, இந்த திருட்டு வேலையில் ஈடுபட்டு, கையும் களவுமாக அகப்பட்டிருக்கிறார் அப்பெண்.
அந்த பெண் யார் என்பது குறித்த விவரங்கள் இதுவரை தெரியவில்லை. ஆனால் இந்த வீடியோ இணையத்தில் தீயாக பரவி வருகிறது. இரண்டு வாரங்களுக்கு முன்னர் பேஸ்புக்கில் பகிரப்பட்ட அந்த வீடியோவை 40 லட்சத்துக்கும் அதிகமானோர் பார்த்துள்ளனர்.
ஜீன்ஸ் பேண்ட் திருட முயன்ற அந்த பெண்ணை சரமாரியாக நெட்டிசன்கள் திட்டி தீர்த்து வருகின்றனர். சிலர் அந்த பெண்ணுக்காக பரிதாபப்பட்டுள்ளனர். இத்தனை பேண்டுகளை அணிந்த அந்த பெண்ணின் சாமர்த்தியத்தை ஒரு சிலர் பாராட்டியும் உள்ளனர்.
அந்த பெண்ணை பாராட்டுவதும், திட்டுவதும் உங்கள். நீங்கள் என்ன நினைக்கிறீங்க என்பதை கமெண்ட் பண்ணுங்க.