ஈரானுக்கு ரகசியமாக வந்து போன அமெரிக்க "ஆ" நடிகை!
துபாய்: அமெரிக்காவைச் சேர்ந்த பிரபல ஆபாசப் பட நடிகை கேன்டி சார்ம்ஸ் ஈரான் நாட்டுக்கு ரகசியமாக வந்து போனதாக தகவல்கள் வெளியாகியுள்ளன.
இங்கிலாந்தைப் பூர்வீகமாகக் கொண்ட அமெரிக்க ஆபாசப் பட நடிகைதான் கேன்டி. சமீபத்தில் இவர் ஈரானுக்கு வந்து போனது குறித்து சமூக வலைதளங்களில் ஈரானைச் சேர்ந்த பலரும் குமுறிக் கொண்டுள்ளனர்.
இதுகுறித்து ஈரான் துணை வெளியுறவு அமைச்சர் ஹசன் குவாஸ்காவி கூறுகையில், முறையாக விசா பெற்று அதன் பின்னரே கேன்டி வந்து போயுள்ளார். ஆனால் தனது பெயரில் அவர் வரவில்லை. மாறாக வேறு பெயரில் அவர் வந்துள்ளார் என்று கூறியுள்ளார் ஹசன்.
மேலும் அவர் கூறுகையில், எமது நாட்டில் மிகவும் உணர்ச்சிகரமான மத குருமார்களும், நாடாளுமன்ற உறுப்பினர்களும் உள்ளனர். இதுபோன்ற நிகழ்வுகள் நிச்சயம் பிரச்சினையை ஏற்படுத்தும் என்றார்.
இருப்பினும் தனது விஜயம் குறித்து கேன்டி இதுவரை எதுவும் கருத்து தெரிவிக்கவில்லை. அதேசமயம், தனது மூக்கில் சிறிய ஆபரேஷன் செய்வதற்காகவே தான் ஈரான் வந்து போனதாக தனது இன்ஸ்டாகிராம் பக்கத்தில் அவர் குறிப்பிட்டுள்ளார்.