வானிலே தேனிலா ஆடுதே பாடுதே.. வைரலான ஒரு கசமுசா ஜோடி!
நடுவானில் காதலை சொன்னதால் வேலை போன பரிதாபம்
Recommended Video
சீனா: காதல் இல்லாத இடமே இல்லைதான்.. அதற்காக நடுவானில் பறக்கும்போதுகூடவா காதலை சொல்ல வேண்டும்?
சீனா ஈஸ்டர்ன் ஏர்லைன்ஸ் நிறுவனத்தில் ஒரு பெண் வேலை பார்த்து வருகிறார். அதாவது விமானத்தில் ஏர் ஹோஸ்டஸ் வேலை பார்க்கும் அவரது பெயர் எக்ஸ்யோமி. கடந்த மே மாதம் இவர் வழக்கம்போல் விமானத்தில் பணியில் இருந்தார். அப்போது இவருடைய நண்பரும் அந்த விமானத்தில்தான் இருந்துள்ளார்.
நடுவானில் காதல்
விமானம் நடு வானில் பறந்து கொண்டிருந்தது. திடீரென்று அந்த நண்பர் என்ன நினைத்தாரோ தெரியவில்லை. எக்ஸ்யோமியை தன் அருகில் கூப்பிட்டு காதலை வெளிப்படுத்தினார். காதலை மட்டும் சொல்லியிருந்தால்கூட பரவாயில்லையே, அந்த பெண்ணை கட்டிப்பிடித்து கன்னாபின்னாவென்று நடந்து கொள்ள ஆரம்பித்தார்.
லைப் ரிலே
நடுவானில் இந்த ஜோடி இப்படி நடந்து கொண்டதை அனைத்து பயணிகளும் வேடிக்கை பார்த்தனர். என்னதான் விமானத்தில் வீடியோ முதற்கொண்டு பொழுதுபோக்கு அம்சங்கள் வைத்திருந்தாலும், இந்த "லைவ் ரிலே"வை சிலர் செல்போனில் படம் பிடித்து கொண்டனர்.
விளையாட்டு வினை
கொஞ்ச நாள் கழித்து வீடியோ எடுத்தவர்களில் ஒருவர் இதனை சமூகவலைதளங்களில் பதிவிட்டுவிட்டார். காதல் ஜோடிகளின் கசமுசா விளையாட்டு வீடியோவாக வலம் வர ஆரம்பித்தது. கடைசியில் சம்பந்தப்பட்ட விமான நிலையத்தில் வேலைபார்க்கும் ஒருவரே இந்த வீடியோவை பார்த்துவிட்டார்.
நிறுவனத்தின் விளக்கம்
ஓடும் விமானத்தில், அதிலும் வேலையில் இருக்கும்போது ஒரு பணிப்பெண் இப்படித்தான் நடந்து கொள்வதா என கோபம் அடைந்து வேலையை விட்டே அந்த பெண்ணை நீக்கி விட்டது. பயணிகளிடம் பாதுகாப்பினை கருத்தில் கொள்ளாமல், பணிப்பெண் இப்படி நடந்து கொண்டது தவறு என விளக்கமும் அந்த நிறுவனம் அளித்துள்ளது.
எதுக்குமே ஒரு இடம், பொருள், ஏவல் வேணாமா? காதல் கைகூடுச்சோ இல்லையோ, பாவம் அந்த பெண்ணுக்கு வேலை போய்டுச்சே!!