ஜஸ்ட் 50 தான் ஆகப்போகுது, அதுக்குள்ள என்ன அவசரம்?: மாடல் சின்டி கிராபோர்ட்
நியூயார்க்: அமெரிக்காவைச் சேர்ந்த சூப்பர் மாடல் சின்டி கிராபோர்ட் மாடலிங்கில் இருந்து முற்றிலும் ஓய்வு பெறப் போவது இல்லை என்று தெரிவித்துள்ளார்.
அமெரிக்காவைச் சேர்ந்தவர் சூப்பர் மாடலான சின்டி கிராபோர்ட். 2 குழந்தைகளுக்கு தாயான அவர் வரும் 20ம் தேதி தனது 50வது பிறந்தநாளை கொண்டாட உள்ளார். 30 ஆண்டுகளாக மாடலிங் செய்து வருகிறார்.
இந்நிலையில் அவர் பத்திரிக்கை ஒன்றுக்கு அளித்த பேட்டியில் தனது 50வது பிறந்தநாளோடு மாடலிங்கில் இருந்து ஓய்வு பெறப் போவதாக தெரிவித்தார். சின்டியின் 14 வயது மகள் கியாவும் தாயின் வழியில் மாடலிங் செய்து வருகிறார்.
ஓய்வு குறித்து சின்டி மீண்டும் இன்ஸ்டாகிராமில் கூறியிருப்பதாவது,
Headlines don't always tell the whole story. Thanks for the love everyone — but more here: https://t.co/ggsyhyAZCj pic.twitter.com/UONuOh78jH
— Cindy Crawford (@CindyCrawford) February 1, 2016
ஒவ்வொரு ஆண்டும் நான் ஓய்வு பெறுவதாக என் குழந்தைகளிடம் கூறுவேன். இது என் குடும்பத்தில் ஒரு ஜோக்காகிவிட்டது. ஒவ்வொரு ஆண்டும் புதிய வாய்ப்புகள் என்னை தேடி வரும். வியாபாரம், நண்பர்கள், குழந்தைகள் மீது அதிக கவனம் செலுத்த விரும்புவது உண்மை தான். நான் எந்த இறுதி முடிவும் எடுக்கவில்லை.
கடந்த 30 ஆண்டுகளாக ஃபேஷன் துறையில் இருப்பதை விரும்புகிறேன். உங்களின் ஆதரவுக்கு நன்றி. 2016ம் ஆண்டில் என்ன நடக்கும் என்பதை தெரிந்து கொள்ள மகிழ்ச்சியாக உள்ளேன் என்று தெரிவித்துள்ளார்.