வருங்கால ஆணுறைகள் எப்படி இருக்கும்?.. கேட்ஸ் வைத்த போட்டியில் குவிந்த 812 ஐடியாக்கள்!

கலிபோர்னியா பில் கேட்ஸின் பில் மற்றும் மெலின்டா கேட்ஸ் பவுண்டேஷன் வைத்த ஒரு போட்டியில், எதிர்காலத்தில் ஆணுறைகளை எப்படித் தயாரிக்கலாம் என்பது குறித்து 812 வகையான ஐடியாக்களைக் குவித்து விட்டனராம் போட்டியில் கலந்து கொண்டவர்கள்.

ஆணுறைகள் இப்போது கிட்டத்தட்ட ஒரே மாதிரிதான் உலகம் பூராவும் பரவிக் கிடக்கிறது. ஆனால் பெரும்பாலான ஆண்களும், பெண்களும் தற்போதைய ஆணுறைகளால் முழுமையான பாதுகாப்பு கிடைப்பதில்லை என்று புலம்பியபடிதான் உறவுகளில் ஈடுபடுகிறார்கள்.

ஆணுறை பாதியிலே கிழிவது, பாதியிலேயே நழுவி விடுகிறது, உறுப்பு எழுச்சியைத் தடுப்பது என்று பல குறைபாடுகள் குவிந்தபடிதான் உள்ளது.

இந்த நிலையில்தான் பில் கேட்ஸின் அறக்கட்டளை எதிர்காலத்தில் எப்படிப்பட்ட ஆணுறைகளை தயாரிப்பது என்பது தொடர்பாக ஒரு போட்டியை வைத்தது. இந்தப் போட்டியில் கலந்து கொண்டவர்கள் விதம் விதமான யோசனைகளைக் கூறி அசரடித்து விட்டனராம்.

தேவையி்ல்லாத கர்ப்பங்கள், செக்ஸ் வியாதிகளைத் தடுக்க

தேவையி்ல்லாமல் கர்ப்பம் தரிப்பது, பாலியல் நோய்களைத் தடுப்பது, எய்ட்ஸ் போன்றவற்றை அறவே ஒழிப்பது ஆகிய நோக்கங்களுக்காகவே மேம்பட்ட ஆணுறைகளை எப்படித் தயாரிக்கலாம் என்பதற்காக இந்தப் போட்டியை அறிவித்திருந்தது கேட்ஸ் பவுண்டேஷன்.

812 யோசனைகள்

இந்தப் போட்டியில் பலர் கலந்து கொண்டு 812 வகையான யோசனைளைக் குவித்து விட்டனர்.

11 பேருக்கு பரிசு. பாராட்டு

இதில் 11 பேருடைய யோசனைகள் ஏற்கப்பட்டு அவர்கள் வெற்றியாளர்களாக அறிவிக்கப்பட்டனர். அவர்களுக்கு தலா 1 லட்சம் டாலர் பரிசுத் தொகையும் அளிக்கப்பட்டுள்ளது.

அமலானால் 10 லட்சம் டாலர் பரிசாம்

இவர்களது யோசனை அமலாக்கப்பட்டு வெற்றியும் பெற்றால் அவர்களுக்கு தலா 10 லட்சம் டாலர் பரிசாக கிடைக்குமாம்.

இந்திய நிறுவனமும் வெற்றியாளர்கள் பட்டியல்

இந்தியாவில் நீண்ட காலமாக ஆணுறைத் தயாரிப்பில் ஈடுபட்டு வரும் ஒரு நிறுவனமும் இந்த போட்டியில் கலந்து கொண்டு வெற்றி பெற்றுள்ளது குறிப்பிடத்தக்கது.

வாக்குவம் கிளீனர் தயாரிப்பு நிறுவனமும்

அதேபோல இங்கிலாந்தைச் சேர்ந்த வாக்குவம் கிளீனர் தயாரிப்பு நிறுவனமும் வெற்றி பெற்றுள்ளது.

மெல்லிசாக, உறுதியாக

இந்த ஐடியாக்கள் பலவும் சுலபமான முறையில் எப்படி ஆணுறைகளைத் தயாரிப்பது என்பது குறித்து யோசனை தெரிவித்துள்ளன. மெல்லிசாக, அணிய எளிதாக, அதேசமயம் உறுதியாக, உணர்வுகளை மட்டுப்படுத்தாத வகையில் ஆணுறைகளைத் தயாரிப்பது குறித்து யோசனைகள் தெரிவிக்கப்பட்டுள்ளன.

நாறிழையிலிருந்து

அமெரிக்காவின் அபெக்ஸ் நிறுவனம் கூறியுள்ள ஐடியா என்னவென்றால், கொல்லேஜன் நாறிழையிலிருந்து ஆணுறையைத் தயாரிக்கலாம். இது பார்ப்பதற்கு மனிதனின் தோல் போலவே மெல்லிசாக இருக்கும். இது அணிவது சுலபம். மேலும், பசு மாட்டின் டென்டான்களிலிருந்தும், மீனின் தோலிலிருந்தும் கூட ஆணுறைகளைத் தயாரிக்கலாம் என யோசனை தெரிவித்துள்ளது.

செம ஸ்டிராங்

இந்த வகையான ஆணுறைகள் மிகவும் மெல்லிசாக இருப்பதோடு, நல்ல வலுவாகவும் இருக்கும். பாதியில் கிழியும், நழுவும் பிரச்சினைக்கே இதில் இடமில்லை என்பது இந்த நிறுவனத்தின் விளக்கமாகும்.

பாலித்தீன் பிளாஸ்டிக் ஆணுறை

கலிபோர்னியாவைச் சேர்ந்த ஒரு நிறுவனத்தின் யோசனை என்னவென்றால், பாலித்தீன் பிளாஸ்ட்டிக்கில் ஆணுறை தயாரிக்கலாம் என்பது.

English summary

The condom of the future might be made of cow tendon or fish skin. It might have "shape memory" to instantly mold to a specific man. Or it might come with pull tabs so a man could slip it on with little fuss. Those ideas are among the winners announced on Wednesday by the Bill & Melinda Gates Foundation of a contest to create a condom that men would actually use. The contest, the foundation said, aimed to decrease unintended pregnancies and sexually transmitted diseases with "a next-generation condom that significantly preserves or enhances pleasure."