For Quick Alerts
ALLOW NOTIFICATIONS  
For Daily Alerts
Oneindia App Download

கொரோனா- அமெரிக்காவுக்கு அடுத்ததாக பிரேசிலில் ஒரே நாளில் 13,761 பேருக்கு பாதிப்பு- 835 பேர் பலி

Google Oneindia Tamil News

பிரேசிலியா: உலக நாடுகளில் கொரோனா கோரத்தாண்டவமாடும் நாடாக பிரேசில் உருவெடுத்து வருகிறது. பிரேசிலில் நேற்று ஒரே நாளில் 13,761 பேர் பாதிக்கப்பட்டுள்ளனர். மேலும் 835 பேர் நேற்று மட்டும் உயிரிழந்துள்ளனர்.

Recommended Video

    WHO Says, We Will Have To Learn To Live With Coronavirus

    உலக நாடுகளை உலுக்கி எடுத்து வரும் கொரோனாவால் 3 லட்சத்துக்கும் அதிகமானோர் மரணித்துவிட்டனர். உலக நாடுகளில் கொரோனா பாதிப்பு எண்ணிக்கை 45,24,474 ஆக உயர்ந்தும் உள்ளது.

    அதேநேரத்தில் உலக நாடுகளில் கொரோனாவால் பாதிக்கப்பட்டோர் குணமடைந்தும் வருகின்றனர். இதுவரை மொத்தம் 17,03,648 பேர் கொரோனாவால் பாதிக்கப்பட்டு குணமடைந்துள்ளனர்.

    கொரோனா- இந்திய அளவில் மகாராஷ்டிராவுக்கு அடுத்ததாக தமிழகம் 2-வது இடம்- 9,674 பேர் பாதிப்பு கொரோனா- இந்திய அளவில் மகாராஷ்டிராவுக்கு அடுத்ததாக தமிழகம் 2-வது இடம்- 9,674 பேர் பாதிப்பு

    அமெரிக்காவில் 1,715 பேர் பலி

    அமெரிக்காவில் 1,715 பேர் பலி

    கொரோனா பாதிப்பில் அமெரிக்கா மற்றும் ஐரோப்பிய நாடுகள்தான் அதிகமாக பாதிக்கப்பட்டு வருகின்றன. இந்த வரிசையில் தற்போது லத்தீன் அமெரிக்கா நாடுகளில் ஒன்றான பிரேசிலும் இணைந்துள்ளது. அமெரிக்காவில் கொரோனாவால் பாதிக்கப்பட்டோர் எண்ணிக்கை 14,57,593 ஆக உயர்ந்துள்ளது. நேற்று ஒரே நாளில் அமெரிக்காவில் 27,246 பேர் கொரோனாவால் பாதிக்கப்பட்டிருக்கின்றனர். அத்துடன் 1,715 பேர் கொரோனாவால் அமெரிக்காவில் மரணமடைந்துள்ளனர்.

    பிரேசிலில் துயரம்

    பிரேசிலில் துயரம்

    அமெரிக்காவுக்கு அடுத்ததாக உலக நாடுகளில் பிரேசிலில்தான் நேற்று அதிகமான கொரோனா பாதிப்பு ஏற்பட்டது. பிரேசிலில் நேற்று ஒரே நாளில் கொரோனாவால் மொத்தம் 13,761 பேர் பாதிக்கப்பட்டிருந்தனர். இதனால் பிரேசிலில் கொரோனாவால் பாதிக்கப்பட்டோர் எண்ணிக்கையானது 2,02,918 ஆக அதிகரித்தது. அதேபோல் பிரேசிலில் கொரோனா மரணங்களும் அதிகரித்திருக்கின்றன. கொரோனாவால் பிரேசிலில் நேற்று மட்டும் 835 பேர் மாண்டு போயுள்ளனர். பிரேசிலில் இதுவரை மொத்தம் 13,993 பேர் கொரோனாவால் இறந்து போயுள்ளனர்.

    கொரோனா மரணங்களில் 6வது இடம்

    கொரோனா மரணங்களில் 6வது இடம்

    உலக நாடுகளில் கொரோனா மரணங்கள் பட்டியலில் பிரேசில் 6-வது இடத்தில் உள்ளது. அமெரிக்காவில் 86,912; இங்கிலாந்தில் 33,614; இத்தாலியில் 31,368 ; பிரான்ஸில் 27,425; ஸ்பெயினி 27,321 பேர் உயிரிழந்துள்ளனர். கொரோனா பாதிக்கப்பட்ட நாடுகள் பட்டியலில் ரஷ்யா 3-வது இடத்தில் உள்ளது. அமெரிக்காவில் 14,57,593 பேரும் ஸ்பெயினில் 2,72,646 பேரும் கொரோனாவால் பாதிக்கப்பட்டுள்ளனர். இதற்கு அடுத்ததாக ரஷ்யாவில் மொத்தம் 2,52,245 பேர் கொரோனாவால் பாதிக்கப்பட்டு 3-வது இடத்தில் இருக்கிறது.

    இந்தியா 12-வது இடம்

    இந்தியா 12-வது இடம்

    கொரோனா பாதிப்பில் உலக நாடுகள் வரிசையில் இந்தியா 12-வது இடத்தில் இருந்து வருகிறது. கொரோனாவால் பாதிக்கப்பட்டோர் எண்ணிக்கை 81,997 ஆக இந்தியாவில் இருக்கிறது. இந்தியாவில் கொரோனாவின் தாக்கம் நீடித்தால் சீனாவைவிட அதிகமாகி 11-வது இடத்துக்கு இந்தியா சென்றுவிடும்.

    English summary
    Brazil registered a daily record 13,761 new cases of the coronavirus on Thursday.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X