நிரந்தர அஞ்சலி... ராபின் வில்லியம்ஸ் முகத்தை தொடையில் டாட்டூ குத்திய தீவிர ரசிகை
கடந்த வாரம் காலமானார் பிரபல ஹாலிவுட் நடிகர் ராபின் வில்லியம்ஸ். அவரது மிகப்பெரிய ரசிகை என தன்னை பெருமையுடன் கூறிக்கொள்ளும் அப்பெண், ராபினின் முகத்தை பெரிய அளவில் வண்ண மயமாக தனது தொடையில் பச்சை குத்தியுள்ளார்.
அந்தப் பெண்ணின் பெயர் ஹேய்லி பேட்டர்சன். 23 வயதாகும் ஹேய்லி, ராபின் மறைவுக்கு முன்னதாகவே இப்படி பச்சை குத்தி, அதை புகைப்படம் எடுத்து ராபினுக்கு அனுப்ப அவர் திட்டமிட்டிருந்தாராம். ஆனால் அதற்குள் ராபின் இறந்து போய் விட்டார் என கவலை தெரிவித்துள்ளார் ஹேய்லி.
மேலும், இது குறித்து ஹேய்லி கூறியதாவது :-
என் ஹீரோ...
ராபின் வில்லியம்ஸ்தான் நான் சிறு குழந்தையாக இருந்தது முதலே எனது ஹீரோ. இப்போதும் கூட அவர் மட்டுமே எனக்கு மிகவும் பிடித்தமானவர்.
புகைப்படம் எடுக்க திட்டம்...நான் இதை புகைப்படம் எடுத்து ராபினுக்கு அனுப்பத் திட்டமிட்டிருந்தேன். ஆனால் அதற்குள் அவர் மரணமடைந்து விட்டார்.
நிரந்தர அஞ்சலி...
இப்போது எனது தொடையில் எனது மனம் கவர்ந்த ஹீரோவை பச்சை குத்தியுள்ளேன். இது அவருக்கான நிரந்தரமான அஞ்சலியாக மாறியுள்ளது என இவ்வாறு அவர் தெரிவித்துள்ளார்.
பச்சைக் குத்திய கலைஞர்...
வெஸ்லி லேம்பே என்பவர்தான் ஹேய்லிக்கு பச்சை குத்தியவர். ஹாம்ப்ஷயரில் உள்ள அவரது பச்சை குத்தும் மையத்தில் வைத்து இதைப் பொறித்துள்ளார்.
ஹூக் பட கேரக்டர்...
1991ல் வெளியான ஹூக் என்ற படத்தில் இடம் பெற்ற ராபின் கேரக்டரையே தனது தொடையில் பச்சை குத்தியுள்ளார் இப்பெண்.
250 பவுண்டுகள் செலவு...
எட்டு இன்ச் அளவில் இந்த பச்சை குத்தப்பட்டுள்ளது. இதற்கு அவருக்கு 250 பவுண்டுகள் செலவானதாம். சில மணி நேரங்களில் பச்சை குத்தி முடித்து விட்டனராம்.
ராபினுக்காக...
ஆனால் பச்சை குத்திய பின்னர் சுமார் 20 நிமிடங்கள் நல்ல வலி எடுத்து விட்டதாம். ஆனாலும் ராபினுக்காக அதைப் பொறுத்துக் கொண்டாராம் இப்பெண்.