மலேசிய பிரதமருடன் திமுக செயல் தலைவர் ஸ்டாலின் சந்திப்பு!
மலேசிய பிரதமர் நஜீப் ரசாக்கை திமுக செயல் தலைவர் ஸ்டாலின் சந்தித்தார்.
கோலாலம்பூர்: மலேசிய பிரதமர் நஜீப் ரசாக்கை திமுக செயல் தலைவர் ஸ்டாலின் சந்தித்தார்.
மலேசியாவில் நடைபெற்ற தாய் மொழி தின சிறப்பு மாநாட்டில் பங்கேற்க திமுக செயல்தலைவர் ஸ்டாலின் தனது மனைவி துர்கா கடந்த வெள்ளிக்கிழமை மலேசியா சென்றார்.
மலேசியா சென்ற ஸ்டாலினுக்கு உற்சாக வரவேற்பு அளிக்கப்பட்டது. இந்நிலையில் ஸ்டாலின் மலேசிய பிரதமர் நஜீப் ரசாக்கை இன்று சந்தித்துப்பேசினார்.
இதைத்தொடர்ந்து செய்தியாளர்களிடம் பேசிய ஸ்டாலின்
மலேசிய பிரதமர் நஜீப் ரஜாக்கை மரியாதை நிமித்தமாக சந்தித்தேன் என்றும் மு.க. ஸ்டாலின் தெரிவித்தார். மலேசிய நாட்டின் முன்னேற்றத்தில் மலேசிய வாழ் தமிழர்கள் பெரும் பங்காற்றுவது பெருமைக்குறியது என்றும் ஸ்டாலின் தெரிவித்தார்.
மேலும் நடைபெற உள்ள தேர்தலில் மலேசிய பிரதமர் மீண்டும் வெற்றிப் பெற வாழ்த்து தெரிவித்ததாக கூறினார். கருணாநிதி பற்றியும் தமிழக மக்கள் குறித்தும் மலேசிய பிரதமர் கேட்டுக்கொண்டதாகவும் அவர் கூறினார்.