காபூலில் அமெரிக்க தூதரகம் அருகே மனித வெடிகுண்டு தாக்குதல்

காபூல்: ஆப்கானிஸ்தான் தலைநகர் காபூலில் உள்ள அமெரிக்க தூதரகம் அருகே நடைபெற்ற குண்டுவெடிப்பில் சிக்கி ஒருவர் உயிரிழந்தார், 8 பேர் காயமடைந்தனர் என்று தகவல்கள் வெளியாகியுள்ளன.

காபூலின் மஸ்சூத் சதுக்கம் பகுதியில் உள்ளது அமெரிக்க தூதரகம். அதன் அருகேயுள்ள காபூல் வங்கி கிளையின் வாசலில் மனித வெடிகுண்டாக வந்த நபர் குண்டுகளை வெடிக்க செய்து தாக்குதல் நடத்தியுள்ளார். காபூல் நேரப்படி காலை 10.15 மணிக்கு இத்தாக்குதல் நடைபெற்றுள்ளது.

இந்த தாக்குதலில் ஒருவர் உயிரிழநந்ததோடு, 8 பேர் காயமடைந்ததாக முதல்கட்ட தகவல்கள் தெரிவிக்கின்றன. உயிரிழந்த நபர் மனித வெடிகுண்டாக வந்தவர்தான் என தெரிகிறது.

இது எந்த அமைப்பை சேர்ந்த தீவிரவாதிகளின் தாக்குதலாக இருக்கும் என்று இன்னும் தெரியவில்லை. போலீசார் விசாரணை நடத்தி வருகிறார்கள்.

English summary

The explosion is believed to have hit near Massoud square, where the US embassy is housed along with several other western diplomatic buildings.