ஓவர் டோஸ் ஹெராயின்.. உசுரை விட்ட அமெரிக்க மாடல் அழகி
வாஷிங்டன்: அமெரிக்காவின் பீச்சஸ் கெல்டாப் என்ற டிவி நடிகை மற்றும் மாடல் அழகி, அதிகமான ஹெராயின் போதைப்பொருள் உபயோகத்தால் உயிரிழந்துள்ளார் என்பது அவருடைய மரணம் நடைபெற்ற ஒருமாதத்திற்குப் பின்பு கண்டறியப்பட்டுள்ளது.
அவருடைய உடற்கூறு ஆய்வுகளின் முடிவின்படி, அகால மரணமடைந்த கெல்டாப் அதிக அளவில் போதைப்பொருள் எடுத்துக் கொண்டுள்ளார்.
கெல்டாப், அமெரிக்காவின் மிகச்சிறந்த இசையமைப்பாளரான பாப் கெல்டாப் மற்றும் பாவ்லா யாட்ஸின் ஆகியோரின் மகளாவார். இவரது தாயார் யாட்ஸினும் போதைப்பொருள் உபயோகத்தால்தான் தன்னுடைய 41 வயதில் மரணமடைந்தார்.
"சமீபத்தில் அவர் அதிக அளவில் ஹெராயின் உட்கொண்டுள்ளார்.அதனால்தான் அவருடைய உடனடி மரணம் நிகழ்ந்துள்ளது" என்று காவல்துறை அதிகாரி பால் போத்ரிங்காம் கூறியுள்ளார்.
கெல்டாப், தாமஸ் கோச்சன் என்ற பாடகர் ஒருவரை திருமணம் செய்து கொண்டுள்ளார். இவர்களுக்கு 2 மற்றும் 1 வயதில் 2 ஆண் குழந்தைகள் உள்ளனர் என்பது குறிப்பிடத்தக்கது.