குட்டி இளவரசர் ஜார்ஜுடன் விளையாட தங்கச்சி பாப்பா பிறந்திருக்கு!
லண்டன்: இங்கிலாந்து இளவரசர் வில்லியமின் மனைவி கேட் சனிக்கிழமை காலை அழகிய பெண் குழந்தையை பெற்றெடுத்தார்.
இங்கிலாந்து இளவரசர் வில்லியம் தனது காதலி கேட் மிடில்டன்னை கடந்த 2011ம் ஆண்டு ஏப்ரல் மாதம் 29ம் தேதி லண்டனில் உள்ள வெஸ்ட்மின்ஸ்டர் அபேயில் வைத்து திருமணம் செய்து கொண்டார். இதையடுத்து கர்ப்பமான கேட் 2013ம் ஆண்டு ஜூலை 22ம் தேதி குட்டி இளவரசர் ஜார்ஜை பெற்றெடுத்தார்.
ஜார்ஜ் லண்டனில் உள்ள புனித மேரி மருத்துவமனையில் பிறந்தார். இந்நிலையில் இரண்டாவது முறையாக கர்ப்பமான கேட் ஜார்ஜ் பிறந்த அதே மருத்துவமனையில் பிரசவத்திற்காக அனுமதிகப்பட்டார். அவர் நேற்று காலை 8.34 மணிக்கு அழகிய பெண் குழந்தையை பெற்றெடுத்தார். அந்த குழந்தை 3.7 கிலோ எடையுடன் பிறந்தது.
குட்டி இளவரசி பிறந்திருப்பதாகவும், தாயும்-சேயும் நலமாக இருப்பதாக கென்சிங்டன் அரண்மனை அறிவிப்பு வெளியிட்டது.
பிற்பகல் இளவரசர் வில்லியம் தனது மகன் ஜார்ஜை மருத்துவமனைக்கு அழைத்து வந்து குட்டி இளவரசியை காட்டினார். அதன் பிறகு மாலை 6.10 மணிக்கு வில்லியம், தனது மனைவி மகளை அழைத்துக் கொண்டு அரண்மனைக்கு கிளம்பினார்.
அ்பபோது குட்டி இளவரசியின் முகத்தை பத்திரிக்கையாளர்களுக்கு வில்லியம் காண்பித்தார். வில்லியம் மற்றும் கேட் சிரித்த முகத்துடன் கிளம்ப குட்டி இளவரசி ஆழ்ந்த தூக்கத்தில் இருந்தார்.