நம்மூர் டிவி சேனல் ரியாலிட்டி ஷோக்களுக்கு ஒரு வார்னிங்.. அமெரிக்காவில் நடந்த விபரீதத்தை பாருங்கள்
வாஷிங்டன்: ரியாலிட்டி டிவி ஷோக்கள் பெருகிவிட்ட இந்த நேரத்தில் ஒரு எச்சரிக்கை சம்பவம் அமெரிக்க டிவி சேனலின் ரியாலிட்டி ஷோ ஒன்றில் நடந்துள்ளது.
சீரியல்கள், சினிமாக்கள் என்று இருந்த டிவி சேனல்களின் ஒளிபரப்பு ஸ்டைலை மாற்றியமைத்துள்ளன ரியாலிட்டி ஷோக்கள். அச்சம் தவிர் போன்ற ஷோக்கள் இதற்கு உதாரணம்.
பார்வையாளர்கள் நாடித் துடிப்பை எகிற வைத்து, டிஆர்பியை கூட்டிக்கொள்வது இந்த நிகழ்ச்சிகளின் நோக்கம். இப்படித்தான் அமெரிக்காவின் என்பிசி சேனல் 'அமெரிக்காஸ் காட் டேலன்ட்' ரியாலிட்டி நிகழ்ச்சியை நடத்ித வருகிறது.
இதில் கத்தி, வாள் போன்றவற்றை விழுங்கும் மேஜிக் நிபுணரான ரியான் ஸ்டாக் அவரது காதலி அம்பேர் லைன் வால்க்கர் ஆகியோர் பங்கேற்றனர்.
பல சாகசங்களை செய்து காட்டிய பிறகு, வாய்க்குள் கத்தியை விட்டபடி, அதன் அடிப்பகுதியை தீ எரியும் அம்பை கொண்டு தாக்குமாறு காதலியிடம் சொன்னார் ரியான் ஸ்டாக். அவரும் வில்லில் நெருப்புடன் கூடிய அம்பை பூட்டி, எய்தார்.
ஆனால், வாயில் வைத்திருந்த பொருளில் படாமல், நெருப்புடன் சென்ற அம்பு, ரியான் ஸ்டாக் கழுத்து பகுதியில் பாய்ந்தது. இதனால், குளிர்பான பாட்டிலுடன் அமர்ந்து வேடிக்கை பார்த்துக் கொண்டிருந்த ஷோ நடுவர்கள் முகத்தில் அதிர்ச்சி பாய்ந்தது.
ஒருவழியாக முதலுதவி செய்து காயமின்றி தப்பியுள்ளார் ரியான் ஸ்டாக். உஷாரய்யா.. உஷாரு.