அட.. டாமினோஸ் லோகோவை பச்சை குத்திக் கொண்டால் இலவச பீஸா.. நூற்றுக்கணக்கில் குவிந்த மக்கள்!
தங்கள் நிறுவனத்தின் லோகோவை பச்சை குத்திக் கொண்டால் இலவச பீஸா அளிக்கப்படும் என்று டாமினோஸ் நிறுவனம் தெரிவித்து இருக்கிறது.
மாஸ்கோ: தங்கள் நிறுவனத்தின் லோகோவை பச்சை குத்திக் கொண்டால் இலவச பீஸா அளிக்கப்படும் என்று டாமினோஸ் நிறுவனம் தெரிவித்து இருக்கிறது.
டாமினோஸின் ரஷ்யா கிளை இதை தெரிவித்து இருந்தது. உலகில் உள்ள பிரபல உணவகங்களில் டாமினோஸ் உணவகமும் ஒன்று என்பது குறிப்பிடத்தக்கது.
தங்கள் நிறுவனத்தின் விளம்பரத்திற்காக டாமினோஸ் இப்படி செய்துள்ளது. இந்த நிலையில் இது அந்த நிறுவனத்திற்கே பிரச்சனையாகி உள்ளது.
என்ன சொன்னது
ரஷ்யா டாமினோஸ் ''எங்கள் நிறுவனத்தின் லோகோவை உடலில் நிரந்தரமாக பச்சை குத்திக் கொள்ள வேண்டும். அப்படி செய்தால் இலவச பீஸா அளிக்கப்படும். ஒரு வருடத்திற்கு 100 பீஸா என்று 100 வருடத்திற்கு பீஸா அளிக்கப்படும்'' என்று பெரிய ஆஃபர் அளித்தது.
நிறைய பேர் வந்தனர்
இது பெரிய வைரல் ஆனது. இதனால் பல பேர் பச்சை குத்த முன்வந்தனர். நூற்றுக்கணக்கில் மக்கள் வந்து பச்சை குத்திக் கொண்டனர். இதை தங்கள் இணைய பக்கத்திலும் டாமினோஸ் பார்எவர் (#DominosForeve) என்ற ஹேஷ்டேக்கில் வெளியிட்டனர்.
4 நாட்கள்
இவ்வளவு பேர் வருவார்கள் என்று டாமினோஸ் நிறுவனமே நினைக்கவில்லை. இதனால் டாமினோஸ் நிறுவனம் இரண்டு மாதம் நடத்த வேண்டிய இந்த போட்டியை 4 நாட்களில் நிறுத்தியது. இறுதியாக 400 பேர் இந்த வாழ்நாள் இலவச பீஸா சலுகைக்கு தேர்வு செய்யப்பட்டு இருக்கிறாரகள்.
மோசமான பெயர்
இந்த நிலையில் இது அந்த நிறுவனத்திற்கே பிரச்சனையாகி உள்ளது. விளம்பரத்திற்காக ஒரு நிறுவனம் இப்படி எல்லாம் செய்யலாமா, இது முறையா என்று பலர் கேட்டுள்ளனர். விளம்பரம் என்றாலும் ஒரு நியாயம் வேண்டாமா என்று கேட்டுள்ளனர்.