ப்பா.. எவ்ளோ பெருசு.. இப்பவே கண்ணைக் கட்டுதே.. வைரலான ‘ராட்சச’ கொசுவின் புகைப்படம்!
ராட்சச கொசு ஒன்றின் புகைப்படம் இணையத்தில் வைரலாகியுள்ளது.
புவெனஸ் ஐரிஸ் : அர்ஜெண்டினாவைச் சேர்ந்த ஒருவர் டிவிட்டரில் வெளியிட்டுள்ள மாபெரும் கொசுவின் புகைப்படம் நெட்டிசன்களை அதிர்ச்சி அடைய வைத்துள்ளது.
ஊடகங்களை விட சமூகவலைதளங்களில் வெளியாகும் தகவல்கள் விரைவில் வைரலாகி விடுகின்றன என்றுதான் சொல்ல வேண்டும். அந்தவகையில் தற்போது ராட்சச கொசு ஒன்றின் புகைப்படம் வைரலாகி இருக்கிறது.
அர்ஜெண்டினாவைச் சேர்ந்த எசுவேல் லோபோ என்பவர் அந்தப் புகைப்படத்தை வெளியிட்டுள்ளார். அவரது வீட்டு ஜன்னல் வழியே அந்த கொசு உள்ளே வந்ததாகவும், அதனைக் கண்டு அதிர்ச்சி அடைந்த அவரது தாய் கொசு மருந்து அடித்து அதனைக் கொன்றதாகவும் அப்பதிவில் அவர் தெரிவித்துள்ளார்.
அந்தக் கொசுவின் உருவத்தை வெளிக்காட்டும் வகையில், அதன் அருகிலேயே சாதாரண கொசு ஒன்றையும் வைத்து புகைப்படம் வெளியிட்டுள்ளார் எசுவேல். அதில் சாதாரண கொசுவின் அருகில் இருக்கும் அந்த கொசு ராட்சச தனத்துடன் காட்சி அளிக்கிறது.
திடீரென கலர் மாறிய கால்.. கடைசில அந்த வாட்ஸ் அப் ஜோக் நிஜமாகிடுச்சே!
இந்தப் புகைப்படத்தைப் பார்த்து நெட்டிசன்கள் அதிர்ச்சி அடைந்துள்ளனர். ஆயிரக்கணக்கான கமெண்டுகளையும், லட்சக்கணக்கான லைக்குகளையும் அள்ளி வருகிறது அந்த கொசு புகைப்படம்.
வெள்ளத்திற்குப் பிறகு வரும் அரிய வகை கொசு இது என பூச்சி வல்லுநர்கள் கருத்து தெரிவித்துள்ளனர். இந்த கொசு கடித்தால் வலி அதிகமாக இருக்கும் என்றும், ஆனால் நோய் பாதிப்பு எதுவும் இருக்காது எனவும் அவர்கள் தெரிவித்துள்ளனர்.