• search
For Quick Alerts
ALLOW NOTIFICATIONS  
For Daily Alerts

11 வயது சிறுமி வயிற்றிலிருந்து 104 போதை மாத்திரைகள் அகற்றம் - தந்தை தலைமறைவு

|

பொகோடா: கொலம்பியாவில் போதை பொருள் கடத்தியதாக 11 வயது சிறுமியை போலீசார் கைது செய்துள்ளனர். அச்சிறுமியின் வயிற்றிலிருந்து போதை பொருள் நிரப்பப் பட்ட 104 கேப்சூல்களை மருத்துவர்கள் அறுவைச் சிகிச்சை மூலம் எடுத்துள்ளனர்.

கொலம்பியாவைச் சேர்ந்த 11 வயது சிறுமி ஒருவர் சமீபத்தில் உடல்நலக் கோளாறு காரணமாக அவரது தந்தையால் மருத்துவமனையில் சிகிச்சைக்காகச் சேர்க்கப் பட்டார். அங்கு அவரைப் பரிசோதித்த மருத்துவர்கள், அவரது வயிற்றில் பல கேப்சூல்கல் இருப்பதைக் கண்டறிந்தனர்.

உடனடியாக அறுவைச் சிகிச்சை மூலம் அவற்றை வெளியே எடுத்த மருத்துவர்கள், கேப்சூல்களில் போதை பொருள் நிரப்பப் பட்டிருப்பது கண்டு அதிர்ச்சி அடைந்தனர். சிறுமியை சிகிச்சைக்காக மருத்துவமனைக்கு அழைத்து வந்த நபர் தலைமறைவாகி விடவே, உடனடியாக, இது குறித்து போலீசாருக்கு மருத்துவர்கள் தகவல் அளித்தனர்.

மருத்துவமனைக்கு விரைந்து வந்த போலீசார் போதைப் பொருள் கடத்த முற்பட்டதாக சிறுமியைக் கைது செய்தனர். மேலும், சிறுமியின் வயிற்றிலிருந்து 104 கேப்சூல்களில், சுமார் அரைக்கிலோ அளவிலான போதைப் பொருளை மீட்டுள்ளதாகத் தெரிவித்துள்ளனர்.

அச்சிறுமியின் பெற்றோர் பிரிந்து வாழ்வதாகவும், சமீபத்தில் சிறுமி தனது தந்தையை சந்தித்துள்ளார் என்றும் போலீசாரின் விசாரணையில் தெரிய வந்துள்ளது. எனவே, மகள் மூலமாக அத்தந்தை போதை பொருளைக் கடத்த முயற்சித்திருக்கலாம் என போலீசார் சந்தேகிக்கின்றனர்.

மருத்துவமனையில் உள்ள கண்காணிப்புக் கேமராவில் பதிவாகியுள்ள காட்சிகளில் பாதிக்கப் பட்ட சிறுமியை அவரது தந்தை கைகளில் ஏந்தியபடி ஓடி வருவது பதிவாகியுள்ளது. பின்னர், சில நிமிடங்களில் மற்றொரு நபரிடம் கதவருகே நின்று பேசும் தந்தை, பின்னர் மருத்துவமனையிலிருந்து வெளியேறிச் சென்று விடுகிறார்.

தொடர்ந்து இது தொடர்பாக விசாரணை நடத்தி வரும் போலீசார், தலைமறைவாக உள்ள சிறுமியின் தந்தையையும், அவரது கூட்டாளிகளையும் தேடி வருகின்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
An 11-year-old Colombian girl is in critical condition after one of more than 100 cocaine capsules her father had made her swallow as part of a drug mule operation, burst in her stomach.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more