Just In

மாட்டிறைச்சி, குங்குமப்பூ.. தங்க இலையில் பர்கர்.. விலை ஜஸ்ட் ரூ. 1.2 லட்சம்தான்!

Updated: Wednesday, October 8, 2014, 13:49 [IST]

லண்டன்: மாட்டிறைச்சி, குங்குமப்பூ போன்றவை கலந்து உலகிலேயே விலையுயர்ந்த பர்கரை இங்கிலாந்து ஓட்டல் ஒன்று தயாரித்துள்ளது. அதன் விலை ரூ. 1.2 லட்சம் என நிர்ணயிக்கப் பட்டுள்ளது.

இங்கிலாந்து தலைநகர் லண்டனில் உள்ளது செல்சியா என்ற ஓட்டல். இங்குள்ள சமையல் நிபுணர்கள் ஒன்று சேர்ந்து பிரத்யேகமாக பர்கர் ஒன்றைத் தயாரித்துள்ளனர்.

இதில் ‘கோபே வாஜ்யூ' இன மாட்டிறைச்சி, ஈரான் குங்குமப்பூ, அளவிலான கொழுப்பு சத்துள்ள நியூசிலாந்து உணவு பொருட்கள் உள்ளிட்டவை கலக்கப்பட்டுள்ளன. இந்த பர்கரைத் தயாரிக்க 3 வார காலங்கள் ஆனதாம்.

மேட்சா ரக பன்...

இந்த பர்கரில் பயன்படுத்தப்பட்டுள்ள பன்ரொட்டி ஜப்பானின் மேட்சா ரகத்தை சேர்ந்தது. இதன் மேல்பகுதி தங்க இலைகளால் வேயப்பட்டுள்ளது.

14 வகை உணவுப் பொருட்கள்...

மேலும், இந்த பர்கரில் 14 வகை உணவுப் பொருட்கள் சேர்க்கப் பட்டுள்ளதாக செல்சியா ஓட்டல் சமையல் நிபுணர்கள் தெரிவித்துள்ளனர்.

அதிக விலை...

பல சிறப்பம்சங்களைக் கொண்ட இந்த பர்கனின் விலை ஒரு லட்சத்து இருபதாயிரம் என நிர்ணயிக்கப் பட்டுள்ளது. இதன் மூலம் உலகிலேயே விலை உயர்ந்த பர்கர் என்ற சிறப்பை இது பெற்றுள்ளது.