For Quick Alerts
ALLOW NOTIFICATIONS  
For Daily Alerts
Just In
Oneindia App Download

மீண்டும் வெடித்த ஹவாய் எரிமலை.. மொத்த தீவையும் சுற்றிவளைத்த லாவா

அமெரிக்க மாநிலங்களில் ஒன்றான ஹவாய் தீவில் உள்ள எரிமலை தற்போது மீண்டும் வெடித்துள்ளது.

By Shyamsundar
Google Oneindia Tamil News

ஹவாய்: அமெரிக்க மாநிலங்களில் ஒன்றான ஹவாய் தீவில் உள்ள எரிமலை தற்போது மூன்றாவது முறையாக வெடித்துள்ளது. கடந்த இரண்டு வருடமாக மாறி மாறி வெடித்துக் கொண்டு இருந்த எரிமலை தற்போது மீண்டும் லாவா குழம்புகளை கக்கிக் கொண்டு வருகிறது.

இது மொத்தமாக வெடித்த காரணத்தால் மக்கள் அவர்கள் இருந்த பகுதியைவிட்டு வெளியேறினார்கள். இதற்காக அமெரிக்க அரசு மீட்பு படையை அனுப்பி இருந்தது. ஆனாலும் இன்னும் பல்லாயிர கணக்கான மக்கள் மீட்கப்பட முடியாமல் கஷ்டப்பட்டு வருகிறார்கள்.

மக்கள் வசிப்பிடத்தை நோக்கி இந்த எரிமலை குழம்புகள் வரும் என்று ஏற்கனவே எச்சரிக்கை விடுக்கப்பட்டு இருந்தது. ஆனால் இப்போது அவர்கள் வெளியேறும் வழியிலும் எரிமலை சூழ்ந்து இருக்கிறது.

கிடையாது

கிடையாது

இங்கு எப்போது எரிமலை வெடித்தாலும் மக்கள் வெளியேற பயன்படுத்தும் வழிகளில் எந்த விதமான பிரச்சனையும் இருக்காது. ஆனால் முதல்முறையாக, அந்த பாதையையும் தற்போது எரிமலை குழம்புகள் சூழ்ந்து இருக்கிறது. இதனால் மக்கள் நடந்து இந்த பகுதியை விட்டே வெளியே செல்ல முடியாது என்று கூறப்படுகிறது. மீட்பு வாகனமும் உள்ளே செல்ல முடியாத நிலை ஏற்பட்டுள்ளது.

நிலைமை மோசம்

நிலைமை மோசம்

இதனால் ஏற்கனவே மெதுவாக நடந்த மீட்பு பணி இன்னும் தாமதமாகி உள்ளது. மீட்பு வாகனம் எதுவும் உள்ளே செல்ல முடியாத நிலை ஏற்பட்டுள்ளது. 100 க்கும் அதிகமான கட்டிடங்கள் இடிந்து தரைமட்டமாகி உள்ளது. 2500 பேர் வரை வெளியேற்றப்பட்டுள்ளனர். இதில் பலர் மரணம் அடைந்துள்ளனர். ஆனால் மீட்புபணி செய்ய முடியாததால், இறந்தவர்களின் எண்ணிக்கையை சரியாக வெளியிட முடியவில்லை.

என்ன வரலாறு

என்ன வரலாறு

1975ல் இருந்தே இந்த தீவில் எரிமலை வெடிக்கும் நிலையில் இருந்தது. முக்கியமாக கிலாயூ என்ற எரிமலைதான் அதிக வீரியத்துடன் காணப்பட்டது. தற்போது இந்த எரிமலைதான் வெடித்துள்ளது. ஹவாய் தீவில் மிகவும் தீவிரமான நிலையில் வெடிக்கக்கூடிய வகையில் பல எரிமலைகள் இருக்கிறது. அந்த வகையில் கிலாயூ எரிமலை ஒரு வாரம் முன்பு வெடித்தது. மிகவும் மோசமான நிலையில் நெருப்பு குழம்புகளை கக்கிக் கொண்டு இருக்கிறது.

தற்போதைய நிலைமை

தற்போதைய நிலைமை

தற்போதும் இந்த எரிமலை தொடர்ந்து வெடித்துக் கொண்டேதான் இருக்கிறது. இந்த எரிமலையில் இருந்து வரும் லாவா குழம்புகள் மொத்தம் 1,093 டிகிரி செல்சியஸ் வெப்பநிலையில் இருப்பதாக அமெரிக்க கூறியுள்ளது. கொஞ்சம் கொஞ்சமாக கடந்த ஒரு வாரமாக குடியிருப்பு பகுதியை நோக்கி நகர்ந்து கொண்டு இருக்கிறது. இத்தனைக்கும் மத்தியில் அங்கே நிலநடுக்கம் ஏற்பட்டு இருக்கிறது என்பது குறிப்பிடத்தக்கது.

English summary
A volcano in Hawaii erupts, Two major earthquakes followed. People have been evacuated from the state after these to major earthquakes. Death toll and loss have not been confirmed yet.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X