அனல் பறக்கிறது அமெரிக்க அதிபர் தேர்தல் வாக்குப்பதிவு: நியூயார்க்கில் வாக்களித்தார் ஹிலாரி!
வாஷிங்டன்: அமெரிக்க அதிபர் தேர்தல் நடைபெற்றுவரும் நிலையில் ஜனநாயக கட்சியின் அதிபர் வேட்பாளர் ஹிலாரி கிளிண்டன் நியூயார்க்கில் வாக்களித்தார்.
அமெரிக்க அதிபர் தேர்தல் வாக்குப்பதிவு இன்று நடைபெற்று வருகிறது. சுதந்திர கட்சி சார்பில் ஹேரிஜான்சன், பசுமை கட்சி சார்பில் ஜில்ஸ்டீன், அரசியல் சட்ட கட்சி சார்பில் டேரல் ஹேஸ்ட்ல், சுயேச்சையாக இவான் மேக்முலின் ஆகியோரும் அதிபர் தேர்தலில் போட்டியிடுகின்றனர் என்றபோதிலும், குடியரசு கட்சியின் டொனால்ட் ட்ரம்ப் மற்றும் ஜனநாயக கட்சியின் ஹிலாரி கிளிண்டன் ஆகியோர் நடுவே நேரடி போட்டி நிலவுகிறது.
வாக்குப்பதிவு சூடு பறக்கும் நிலையில், ஹிலாரி கிளிண்டன் நியூயார்க்கில் இந்திய நேரப்படி மாலை 6.45 மணியளவில் வாக்களித்தார். அவரது கணவரும், முன்னாள் அதிபருமான பில் கிளிண்டனும் வாக்களித்தார்.
#WATCH: US Presidential Elections: Democrat Candidate Hillary Clinton, and Bill Clinton cast their vote in New York, US pic.twitter.com/LuvHOIALOZ
— ANI (@ANI_news) November 8, 2016
வாக்களித்த பிறகு நிருபர்களிடம் பேசிய அவர், நான் மிகவும் நெகிழ்ச்சியடைந்துள்ளேன். பலரும் என்மீது நம்பிக்கை வைத்துள்ளனர். என்னால் முடிந்த அளவுக்கு சிறந்ததை செய்வேன் என்றார்.