அப்பாக்கும் சொட்டை.. எனக்கும் சொட்டை.. ஹய்யா.... குதூகலிக்கும் இளவரசர் ஹாரி!
வாங்கனய்: தனது தந்தை சார்லஸ் போன்று தனக்கும் சொட்டை விழுவதாக இங்கிலாந்து இளவரசர் ஹாரி தெரிவித்துள்ளார்.
இங்கிலாந்து இளவரசர் ஹாரி நியூசிலாந்தில் சுற்றுப்பயணம் மேற்கொண்டுள்ளார். சுற்றுப்பயணத்தின் 6வது நாளான இன்று அவர் மவோரி பழங்குடியினத்தவர் வசிக்கும் பகுதிக்கு சென்றார். அங்கு அவருக்கு பழங்குடியின மக்கள் அவர்களின் முறைப்படி வரவேற்பு அளித்தனர். அவருக்கு துடுப்பு ஒன்றை பரிசளித்தனர்.
ஹாரி பழங்குடியினத்தவரோடு சேர்ந்து வாங்கனூய் ஆற்றில் துடுப்பு போட்டார். அந்த மக்கள் ஹாரிக்காக பிரார்த்தனை செய்தனர். பதிலுக்கு ஹாரி மவோரி மொழியில் பேசி பழங்குடியின மக்களை அசத்தினார். ராணி எலிசபெத்தின் பேரனான நான் இங்கு கூடியுள்ள அனைவருக்கும் வாழ்த்துக்களை தெரிவித்துக் கொள்கிறேன் என்று மவோரி மொழியில் பேசினார்.
அங்கிருந்து கிளம்பிய அவர் பழங்குடியினத்தவர்களின் முறைப்படி அவர்களின் முகத்தோடு முகம் வைத்து விடைபெற்றுக் கொண்டார். ஹாரியை பார்த்த பெண் ஒருவர் நீங்கள் பார்க்க உங்கள் தந்தை இளவரசர் சார்லஸ் போன்று உள்ளீர்கள் என்றார்.
அதற்கு ஹாரி கூறுகையில், என் தந்தை போன்று எனக்கும் முடி கொட்டிக் கொண்டிருக்கிறது. எனக்கும் சொட்டை விழுந்துவிடும் போன்று என்றார்.