உலகில் பாதுகாப்புக்கு அதிகம் செலவு செய்யும் நாடு.. இந்தியாவுக்கு எத்தனையாவது இடம் தெரியுமா?

உலகில் பாதுகாப்புக்கு அதிகம் செலவு செய்யும் நாடுகளின் பட்டியலில் இந்தியாவுக்கு ஐந்தாவது இடம் கிடைத்துள்ளது.

லண்டன்: உலகில் பாதுகாப்புக்கு அதிகம் செலவு செய்யும் நாடுகளின் பட்டியலில் இந்தியாவுக்கு ஐந்தாவது இடம் கிடைத்துள்ளது.

லண்டனை தலைமையகமாகக் கொண்ட ஐஐஎஸ்எஸ் சர்வதேச நிறுவனம் ஒன்று உலக நாடுகள் தங்களின் பாதுகாப்புக்கு எவ்வளவு செலவு செய்கிறது என்பது குறித்து ஆய்வு நடத்தியது.

அதன்படி 2017ஆம் ஆண்டு உலக நாடுகள் தங்களின் பாதுகாப்புக்காக பட்ஜட்டில் எவ்வளவு நிதியை ஒதுக்கியது என்ற பட்டியலை வெளியிட்டுள்ளது.

முதல் ஐந்து இடங்கள்

அதன்படி அமெரிக்கா முதலிடத்திலும் சீனா இரண்டாவது இடத்திலும் உள்ளன. முதல்முறையாக இந்தியா இங்கிலாந்தை பின்னுக்கு தள்ளி 5வது இடத்துக்கு முன்னேறியுள்ளது.

அமெரிக்கா முதலிடத்தில்

உலக வல்லரசு நாடுகளில் ஒன்றான அமெரிக்கா தான் முதலிடத்தில் உள்ளது. அமெரிக்கா தனது பாதுகாப்புக்காக 602.8 பில்லியன் டாலர்களை ஒதுக்கியுள்ளது.

சீனாவுக்கு இரண்டாவது இடம்

அமெரிக்காவுக்கு அடுத்தப்படியாக சீனா இரண்டாவது இடத்தை பிடித்துள்ளது. சீனா பாதுகாப்புக்காக 150.5 பில்லியன் அமெரிக்க டாலர்களை ஒதுக்கியுள்ளது.

சவுதி அரேபியாவுக்கு 3வது இடம்

இதைத்தொடர்ந்து சவுதி அரேபியா மூன்றாவது இடத்தில் உள்ளது. சவுதி அரேபியா தனது பாதுகாப்புக்காக 76.7 பில்லியன் அமெரிக்க டாலர்களை செலவு செய்கிறது.

ரஷ்யாவுக்கு 4வது இடம்

நான்காவது இடத்தில் ரஷ்யா உள்ளது. ரஷ்யா தனது பாதுகாப்புக்காக 61.2 பில்லியன் டாலர்களை ஒதுக்கியுள்ளது.

இந்தியாவுக்கு 5வது இடம்

இந்தப்பட்டியலில் ஐந்தாவது இடத்தில் இந்தியா உள்ளது. 52.5 பில்லியன் டாலர்களை இந்தியா தனது பாதுகாப்புக்காக செலவு செய்கிறது.

இங்கிலாந்தை பின்னுக்குத்தள்ளி

இந்தியா முதல்முறையாக இங்கிலாந்தை பின்னுக்கு தள்ளி 5வது இடத்துக்கு முன்னேறியுள்ளது. கடந்த 2016ஆம் ஆண்டு 51.1 பில்லியன் டாலர்களை ஒதுக்கியது. ஆனால் இங்கிலாந்து தனது பாதுகாப்பு செலவை 52.5 பில்லியன் அமெரிக்க டாலரிலிருந்து 50.7 பில்லியன் அமெரிக்க டாலராக குறைத்துள்ளது.

English summary

India has the fifth largest defence budget in the world, at $52.5 billion in 2017 India spended $51.1 billion in 2016, and overtaking the UK defence budget in 2017. UK defence budget fell from $52.5 billion in 2016 to $50.7 billion in 2017 said IISS report.