ஃபேஸ்புக், ட்விட்டர் நிறுவனர்களுக்கு ஐஎஸ் தீவிரவாதிகள் மிரட்டல்: வீடியோ இதோ
வாஷிங்டன்: ஃபேஸ்புக் மற்றும் ட்விட்டர் நிறுவனர்களுக்கு ஐஎஸ்ஐஎஸ் தீவிரவாதிகள்மிரட்டல் விடுத்துள்ளனர்.
ஐஎஸ்ஐஎஸ் தீவிரவாதிகள் ஃபேஸ்புக், ட்விட்டர் மூலம் உலக இளைஞர்களை தங்கள் பக்கம் ஈர்த்து வருகிறார்கள். இந்நிலையில் ஐஎஸ்ஐஎஸ் ஆதரவாளர்களின் ஃபேஸ்புக் மற்றும் ட்விட்டர் கணக்குகளை அந்தந்த நிர்வாகம் முடக்கி வருகிறது.
இந்நிலையில் ஐஎஸ்ஐஎஸ் தீவிரவாதிகளின் ஹேக்கர்கள் பிரிவு வீடியோ ஒன்றை வெளியிட்டுள்ளது. அந்த வீடியோவில் ஃபேஸ்புக் நிறுவனர் மார்க் ஜக்கர்பர்க், ட்விட்டர் நிறுவனர் ஜாக் ஆகியோரின் புகைப்படங்களில் துப்பாக்கி குண்டுகள் பாய்கின்றன.
ஐஎஸ்ஐஎஸ் ஆதரவாளர்கள் பலரின் கணக்குகளை முடக்கியதாக நீங்கள் தினமும் அறிவிக்கிறீர்கள். இவ்வளவு தான் உங்களால் செய்ய முடியுமா? நீங்கள் ஒரு கணக்கை முடக்கினால் நாங்கள் 10 கணக்குகளை ஹேக் செய்வோம்.
விரைவில் உங்கள் இணையதளங்களை டெலீட் செய்து உங்களின் பெயர்களையே அழித்துவிடுவோம் என்று அந்த வீடியோவில் தெரிவிக்கப்பட்டுள்ளது.