• search
For Quick Alerts
ALLOW NOTIFICATIONS  
For Daily Alerts

அமெரிக்க விசா மசோதா எதிரொலி.. இந்திய ஐடி நிறுவன பங்குகள் கடும் வீழ்ச்சி! எந்த நிறுவனமும் தப்பவில்லை

By Veera Kumar
|

வாஷிங்டன்: அமெரிக்க நாடாளுமன்றத்தில் தாக்கல் செய்யப்பட்ட புதிய விசா நடைமுறை மசோதாவால் இந்திய ஐடி நிறுவனங்களின் பங்குகளில் கடும் வீழ்ச்சி ஏற்பட்டுள்ளது.

'உயர் திறமை ஒருங்கிணைப்பு மற்றும் நேர்மை சட்டம் 2017' என்ற பெயரிலான விசா சட்ட மசோதாவை கலிபோர்னியாவை சேர்ந்த காங்கிரஸ் உறுப்பினரான ஜூ லொப்க்ரென் இந்த மசோதாவை இன்று அமெரிக்க நாடாளுமன்றத்தில் மறு அறிமுகம் செய்தார்.

இந்த மசோதாபடி, இனிமேல் வெளிநாட்டிலிருந்து அமெரிக்காவுக்கு தொழில் நிமிர்த்தமாக வரும் பணியாளர்கள் ஹெச்-1பி விசா பெற வேண்டுமானால், அந்த ஊழியருக்கு அமெரிக்க டாலர் மதிப்பில் 130,000 டாலருக்கு மேல் சம்பளம் வழங்கப்பட வேண்டும்.

ஐடி நிறுவனங்களுக்கு செக்

ஐடி நிறுவனங்களுக்கு செக்

இப்போதுள்ள நடைமுறைப்படி இந்த ஊதியம் 60,000 அமெரிக்க டாலராக உள்ளது. புதிய ஹெச்-1பி விசா சட்ட மசோதாவால் அதை பெற வேண்டுமானால், அந்த ஊழியர்கள் தற்போதுள்ள ஊதியத்தைவிட இரட்டை மடங்குக்கு மேல் ஊதியம் பெற வேண்டும். இதனால் இந்தியா போன்ற வெளிநாடுகளில் இருந்து ஊழியர்களை அழைத்துச் செல்லும் செலவு அதிகரிக்கும் என்பதால் ஐ.டி. நிறுவனங்கள் அமெரிக்காவிலுள்ள உள்ளூர் பணியாளர்களையே அந்த பணிக்கு நியமித்துக்கொள்ளும் வாய்ப்பு ஏற்படும்.

பங்கு சந்தையில் சரிவு

பங்கு சந்தையில் சரிவு

இந்த மசோதா நிறைவேறிவிடும் என்ற நம்பிக்கையுள்ளதால், இச்செய்தி வெளியானதுமே, இந்திய பங்கு சந்தையில், தகவல் தொழில்நுட்ப நிறுவனங்களின் பங்குகள் கடும் வீழ்ச்சியடைந்தனர். இன்போசிஸ் நிறுவன பங்குகள் 4.5 சதவீதம் வீழ்ச்சியடைந்தன. இது அந்த நிறுவனத்திற்கு கடந்த 6 மாதங்களில் இல்லாத வீழ்ச்சியாகும்.

டி.சி.எஸ் கடும் வீழ்ச்சி

டி.சி.எஸ் கடும் வீழ்ச்சி

டி.சி.எஸ் நிறுவனத்தின் பங்குகள் 5.5 சதவீதம் வீழ்ச்சியடைந்துள்ளது. கடந்த 27 மாதங்களில் அந்த நிறுவன பங்குகள் சந்தித்த மிகப்பெரிய வீழ்ச்சி இது. டெக் மஹிந்திரா நிறுவனத்தின் பங்குகள் 9.7 சதவீதம் வீழ்ச்சியடைந்துள்ளன. 20 மாத காலத்தில் அடைந்த மிகப்பெரிய வீழ்ச்சி இது.

விப்ரோவும் தப்பவில்லை

விப்ரோவும் தப்பவில்லை

ஹெச்சிஎல் டெக்னாலஜிஸ் நிறுவன பங்குகள் 6.3 சதவீதம் வீழ்ச்சியடைந்து, 15 மாத காலத்தின் பெரிய சரிவை சந்தித்துள்ளது. விப்ரோ நிறுவனம் 4.1 சதவீத வீழ்ச்சியை சந்தித்துள்ளது. கடந்த 9 மாதங்களில் இல்லாத வீழ்ச்சி இதுவாகும்.

இந்த நிறுவனங்களுக்கும் அதே கதி

இந்த நிறுவனங்களுக்கும் அதே கதி

எம்பசிஸ் நிறுவனத்தின் பங்குகள் மற்றும் ஜியோமெட்ரிக் நிறுவனத்தின் பங்குகள் தலா 3.9 சதவீத வீழ்ச்சியை சந்தித்துள்ளன. ஹேக்வேர் டெக்னாலஜிஸ் பங்குகள் 3.4 சதவீத வீழ்ச்சியை சந்தித்துள்ளன. மைன்ட்ட்ரீ நிறுவன பங்குகள் 3.3 சதவீத வீழ்ச்சியயைும், கேபிஐடி டெக்னாலஜிஸ் நிறுவன பங்குகள் 3.1 சதவீத வீழ்ச்சியையும் சந்தித்துள்ளன.

கடந்த ஆறு மாதங்களில் இல்லாத அளவுக்கு மும்பை பங்கு சந்தையின் ஐடி குறியீட்டு எண் 4.8 சதவீதம் வீழ்ச்சியடைந்தது. சென்செக்சில் இது 0.6 சதவீத வீழ்ச்சியாக இருந்தது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Shares of information technology stocks on Tuesday slumped after Press Trust of India reported that the H1B visa reform bill introduced in the US House of Representatives.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more