மனைவியின் கள்ளக்காதலனின் 'அதை' அறுத்து டாய்லெட்டில் ஃபிளஷ் செய்த ஜப்பானியர்

By Siva

Published: Thursday, August 13, 2015, 14:46 [IST]

டோக்கியோ: ஜப்பானில் கல்லூரி மாணவர் ஒருவர் தனது மனைவியின் கள்ளக்காதலனை தாக்கி அவரது ஆணுறுப்பை கத்தரியால் வெட்டி அதை கழிவறையில் போட்டு ஃபிளஷ் செய்துள்ளார்.

ஜப்பான் தலைநகர் டோக்கியோவைச் சேர்ந்தவர் இக்கி கோடுகாய்(24). கல்லூரி மாணவர். அவரது மனைவிக்கும் 42 வயது வழக்கறிஞர் ஒருவருக்கும் கள்ளத் தொடர்பு இருந்துள்ளது. இது குறித்து அறிந்த இக்கி கோபம் அடைந்தார்.

Japan man flushes love rival`s penis down toilet

அவர் நேராக அந்த வழக்கறிஞரின் அலுவலகத்திற்கு சென்று அவரை பிடித்து அடித்துள்ளார். பின்னர் தோட்டத்தில் செடிகளை வெட்டும் கத்தரியை எடுத்து வழக்கறிஞரின் ஆணுறுப்பை வெட்டினார். வெட்டிய பாகத்தை கழிவறையில் போட்டு அதை ஃபிளஷ் செய்துவிட்டார்.

இது குறித்து தகவல் அறிந்த போலீசார் சம்பவ இடத்திற்கு விரைந்து வந்து இக்கியை கைது செய்தனர். இக்கி போலீசாரிடம் கூறுகையில், எதை அறுத்தேனோ அதை தான் ஃபிளஷ் செய்தேன். அதனால் அவரின் உயிர் ஒன்றும் போய் விடாது என்றார்.

மனைவியின் கள்ளக்காதலினின் ஆணுறுப்பை இக்கி அறுத்தது பெரும் பரபரப்பை ஏற்படுத்தியுள்ளது.