அயன் பட ஜெகன் போல.. கொக்கைன் பொட்டலத்தை விழுங்கிய ஜப்பானியர்.. வயிற்றுக்குள் மருந்து கலந்து.. மரணம்!
டோக்கியோ: அயன் படத்தில் போதை பொட்டலங்களை லபக் லபக்கென்று விழுங்குவார் சிட்டியாக நடித்த ஜெகன்... பிறகு விமானத்தில் பறக்கும்போது வயிற்றுக்குள் போதை பொட்டலங்களில் ஒன்று ஏடாகூடமாக பிரிந்து.. லீக் ஆகி.. கடைசியில் சாகும் நிலைக்குச் சென்றுவிடுவார். அப்படித்தான் ஜப்பான் நாட்டில் ஒரு சம்பவம் நடந்துள்ளது!
ஜப்பான் நாட்டை சேர்ந்த ஒருவருக்கு உழைத்து சாப்பிடுவதில் பெரிசா நம்பிக்கை இல்லை போலும். 42 வயசாகிறது. அதனால் போதை பொருளை கடத்தி சம்பாதிக்கலாம் என முடிவு செய்து அந்த வேலையைதான் பார்த்து வந்துள்ளார்.
இப்படித்தான், அவர் போதை பொருட்களை குட்டி, குட்டி பொட்டலங்களாக சுருட்டி வாயில் போட்டு விழுங்கி விட்டார். பிறகு தென் அமெரிக்காவின் கொலம்பியாவில் இருந்து ஜப்பான் தலைநகர் டோக்கியோவிற்கு ஃபிளைட்டில் கிளம்பினார்.
நடுவானில் விமானம் பறந்து கொண்டிருந்தது. அப்போதுதான் அவருக்கு வயிற்றுக்குள் இருந்த போதை பொட்டலத்தில் ஒன்று பிரிந்து, கொலாப்ஸ் ஆகி உள்ளது. இதனால் திடீரென்று மயக்கமும் ஏற்பட்டது. இதை பார்த்த விமான பணிப்பெண்கள் உடனடியாக கேப்டனுக்கு தகவல் சொல்லி ஃபிளைட்டை அவசரமாக தரை இறக்கினார்கள்.
ஆனாலும் விமானம் தரையிறங்குவதற்குள் அந்த பயணிக்கு நடுவானிலேயே உயிர் பிரிந்துவிட்டது. போலீசார் இது சம்பந்தமான விசாரணை நடத்தினார்கள். பிரேத பரிசோதனையில், அவரது வயிற்றுக்குள் இருந்து 246 போதைமருந்து பொட்டலங்களை எடுத்தனர். அந்த பொட்டலங்களில் ஒன்றுதான் பிரிந்து, ரத்தத்தில் கலந்து உள்ளது.
தமிழகத்தில் அடுத்த 24 மணி நேரத்தில் நல்ல மழை இருக்கு.. ஆனால்.. எச்சரிக்கும் வானிலை மையம்
ஒருசில நிமிடங்களிலேயே போதை அதிகமாகி மூளை பாதிக்கப்பட்டு உயிரிழந்தார் என டாக்டர்கள் சொன்னார்கள். இதுபோலத்தான் உலகம் முழுவதும் போதைக் கடத்தல்காரர்கள் உயிருக்கு உலை வைத்து கடத்தலில் ஈடுபடுகின்றனர்.