• search
For Quick Alerts
ALLOW NOTIFICATIONS  
For Daily Alerts

சைக்கிள் ஓட்டிய போது தவறி கீழே விழுந்து விபத்து... ஜான் கெர்ரியின் கால் முறிந்தது!

|

ஜெனிவா: பிரான்ஸ் நாட்டில் சைக்கிளில் சென்றபோது, தவறி கீழே விழுந்ததில் அமெரிக்க வெளியுறவுத் துறை செயலாளர் ஜான் கெர்ரி கால் முறிந்தது.

அமெரிக்க வெளியுறவுத்துறை செயலாளராக பதவி வகித்து வருகிறார் ஜான் கெர்ரி. இவர் ஈரான் அணுஉலை ஒப்பந்தம் தொடர்பாக பேச்சு நடத்த, ஜெனீவா சென்றிருந்தார். தீவிர சைக்கிள் பிரியரான ஜான் கெர்ரி, எந்த நாட்டிற்கு சென்றாலும், தன்னுடன் ஒரு சைக்கிளை எடுத்துச் செல்வது வழக்கம்.

John Kerry breaks leg in cycling accident - video report

அதன்படி, நேற்று ஜெனீவாவில் இருந்து 30 மைல் தொலைவில், பிரான்ஸ் நாட்டுக்கு உட்பட்ட பகுதியில், சைக்கிள் சவாரி செய்து கொண்டிருந்தார். ஜான் கெர்ரிக்கு முன்னாலும், பின்னாலும் பாதுகாப்பு அதிகாரிகள் மற்றும் மருத்துவ குழுவினர் கார்களில் பாதுகாப்பிற்கு சென்றனர்.

அப்போது, ஒரு இடத்தில் நடைபாதையில் இருந்த பெரிய கல் மீது ஜான் கெர்ரியின் சைக்கிள் மோதியது. இதில் நிலைதடுமாறிய ஜான் கெர்ரி கீழே விழுந்தார். இந்த விபத்தில் அவரது வலது கால் முறிந்தது.

உடனடியாக, ஜான் கெர்ரியை மீட்ட அவரது பாதுகாப்புப் படையினர், ஹெலிகாப்டர் மூலம் மருத்துவமனைக்கு கொண்டு சென்றனர். அங்கு அவருக்கு தேவையான சிகிச்சை அளிக்கப் பட்டது. சிகிச்சைக்குப் பின்னர் ஜான் கெர்ரி ஆரோக்கியமாக இருப்பதாக மருத்துவமனை வட்டாரத் தகவல்கள் தெரிவிக்கின்றன.

சைக்கிள் ஓட்டியபோது தவறி விழுந்து அமெரிக்க வெளியுறவுத்துறை செயலாளர் ஜான்கெர்ரிக்கு காயம் ஏற்பட்டது அங்கு பெரும் பரபரப்பை உண்டாக்கியது.

English summary
The US secretary of state, John Kerry, has broken his leg in a bike crash near Scionzier in France on Sunday,
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X