இளவரசர் வில்லியமின் மனைவி கேட் மீண்டும் கர்ப்பமா?: 40க்குள் '4' வேண்டுமாமே?
லண்டன்: இங்கிலாந்து இளவரசர் வில்லியமின் மனைவி கேட் மிடில்டன் மூன்றாவது முறையாக கர்ப்பமாக உள்ளார் என்று செய்தி வெளியாகியுள்ளது.
இங்கிலாந்து இளவரசர் வில்லியமின் மனைவி கேட் மிடில்டன் கடந்த மே மாதம் 2ம் தேதி தனது இரண்டாவது குழந்தையான இளவரசி சார்லட்டை பெற்றெடுத்தார். மூத்த மகன் இளவரசர் ஜார்ஜுக்கு 2 வயது ஆகுகிறது.
இந்நிலையில் சார்லட் பிறந்த 4வது மாதத்திலேயே கேட் மீண்டும் கர்ப்பமாக உள்ளார் என்று செய்திகள் வெளியாகியுள்ளன.
இது குறித்து ராஜ குடும்பத்திற்கு நெருக்கமான நபர் ஒருவர் கூறுகையில்,
கேட் அண்மையில் தான் இரண்டாவது குழந்தையை பெற்றெடுத்தார். ஆனால் அதற்குள் அவர் மூன்றாவது குழந்தைக்கு தான் தயாராகிவிட்டதாக நினைக்கிறார். அவர் தனக்கு 35 வயது ஆவதற்குள் மூன்றாவது குழந்தையை பெற விரும்புகிறார். அப்போது தான் அவர் 40 வயதிற்குள் அடுத்த குழந்தையை பெற முடியும் என்றார்.
கடந்த மாதம் கேட் தனது கணவருடன் திருமண நிகழ்ச்சி ஒன்றுக்கு செல்ல வேண்டி இருந்தது. ஆனால் அவர் திருமணத்திற்கு செல்லவில்லை. வில்லியம் கேட்டுக்கு பதிலாக அவரது தங்கை பிப்பாவை திருமணத்திற்கு அழைத்துச் சென்றார்.
கேட் கர்ப்பமாக இருப்பதால் தான் திருமணத்திற்கு செல்லவில்லை என்று கூறப்படுகிறது.